Ачасем Иван Шишкин художникпа паллашнă

"Дюймовочка" ача сачӗн "Пчелка" (Йăлпăлакри филиал) тӗрлӗ ҫулхи ушкӑнра вырӑссен аслӑ художникне Иван Иванович Шишкина халалланӑ черетлӗ тематика кунӗ иртнӗ.
Ҫак ята тата унӑн "Утро в сосновом лесу" картинине пӗлмен ҫын пирӗн ҫӗршывра ҫук пулӗ. И.И. Шишкин пуринчен ытла пейзажсем ӳкерме юратнӑ. Хӑйӗн пирӗсем ҫинче тӑван ҫутҫанталӑк илемне кăтартнă, унӑн картинисем ҫине пӑхсан, ҫаксене пурне те ӳкерсе хунине ӗненес те килмест.
Педагог ачасене художник ҫинчен каласа панă, унӑн картинисемпе паллаштарнă, Г. Ветрован "Вӑрман художникӗ çинчен калакан юмах" произведенине вуланă, юлашкинчен ачасем кашни хăйĕн "Хĕллехи вӑрман" пейзажне ӳкернĕ.
#ДеньРожденияШишкина
Сăнÿкерчĕкĕсем: "Дюймовочка" ача сачӗн социаллă сетьри страницинчен.
https://vk.com/club210640610