Ача садӗнче кӗнекесене "иккӗмӗш пурнăç" панă

Пишпÿлекри "Дюймовочка" ача садӗнче кӗнекесемпе журналсене перекетлӗ тытассипе воспитани парас тӗллевпе кун "Кӗнекесене сывататпӑр" девизпа иртнĕ.
Воспитательсем "Кӗнеке ӑҫтан килнӗ", "Кӗнекесене упрар!", "Кӗнекене тыткаламалли правилӑсем" калаçусем ирттернĕ. Ачасем кӗнекесем ҫинчен ваттисен сӑмахӗсемпе каларӑшсем аса илнĕ.
Кӗнекесене юсанӑ май ачасем ҫӗнӗ, чӑн-чӑн усӑллӑ ӗҫпе интересленнĕ, ӗҫе кӑмӑл туртӑмӗпе те интереспе хутшӑннă. Ӗҫ пынӑ чухне хӑйсен ӗҫӗ пысӑк пӗлтерӗшлӗ пулнине туйса илнĕ май, ҫакӑн пек пĕтĕмлетÿ тунă: кӗнекесене упрас пулать!
Юсанӑ кӗнекесем "иккӗмӗш сывлӑш" илнӗ, ачасем хӑйсем вара – ҫӗнӗ пӗлӳ тата кӗнекесен тӗнчин çутă кăмăл-туйăмне!

#НеделяДетскойКниги
Сăнÿкерчĕкĕсем: "Дюймовочка" ача сачĕн социаллă сетьри страницинчен.
https://vk.com/club210640610