Кирек мӗнле наци костюмӗ те эрешсемсĕр илемсӗр пулать

Пишпÿлекри Культура керменĕн Халӑх пултарулӑхӗн галерейи Наци костюмӗ кунĕ умӗн Пишпÿлекри 1-мĕш вăтам шкулта мастер-класс ирттернӗ.
Кирек мӗнле наци костюмӗ те эрешсемсĕр илемсӗр пулать. Ҫавӑнпа та кӑкӑр ҫинчи эрешсен - кӗпе ҫурӑкне хупласа тӑракан укҫаллӑ мӑй ҫыххисене тăвасси мастер-класс питӗ вырӑнлӑ пулнă.
Хӗрачасем тӳрех ӗҫе хастар хутшӑннă. Костюм историйӗ ҫинчен калаҫнă, авалхи илемсемпе савӑннă та хăйсенне хатӗрлеме тытӑннă. Результачӗсене эсир сӑнӳкерчӗксем ҫинче курма пултаратӑр.
Интереслӗ, хӗрачасем тунӑ хӑш-пӗр эрешсен хуҫи те шепех тупӑннă. Сӑмахран, Катя асламӑшӗ - чӑваш фольклор коллективне хутшӑнать. Ӑна ку илемлӗ эреш питӗ вырӑнлӑ пулать.

Сăнÿкерчĕкĕсем: Пишпÿлекри Культура керменĕн Халӑх пултарулӑхӗн галерейин социаллă сетьри страницинчен.
https://vk.com/club209835833