Пишпÿлекре пулă фестивалĕ кĕрлесе иртрĕ

Июлӗн 11-мӗшӗнчен пуҫласа 13-мӗшӗччен Пишпÿлек районӗнче "БишБалык-2024" бренд гастрономи фестивалӗн мероприятийӗсем иртнĕ.

Пишпÿлек районӗшӗн фестиваль — ҫулталӑкри чи ҫутӑ та асра юлакан событисенчен пӗри. "БишБалык" гастрономи фестивальне йӑлана кӗнӗ теме пулать, мӗншӗн тесен виҫҫӗмӗш ҫул иртет. Мероприятие Пишпÿлек районне туристсем хушшинче сарма янӑ. Гастропраҫникре хӑнасемпе районта пурӑнакансем пирӗн республикӑн наци кухнипе паллашнă та вырӑнти апат-ҫимӗҫсене, чи малтан, пулӑран пĕçернĕ апата тутанса пӑхнă.

Районти туристсемпе пурăнакансене валли гастрономи фестивалӗн пӗрремӗш кунӗнче Дема юханшывӗ тӑрӑх "Сердце Демы" маршрутпа шывпа юхнă, унта вӗсем пирӗн тавралӑх илемне курма пултарнӑ, июлӗн 12-мӗшӗнче "Пишпÿлек районĕн çичӗ тӗлӗнтермӗшĕ" туризм маршручӗпе çÿренĕ, çавӑн пекех Ситекпуç ялӗ патĕнчи пĕвере "Самый клевый" пулӑҫӑсен конкурсӗ иртнĕ. Фестивалӗн юлашки кунӗнче Пишпÿлек пӗвин площадкинче волейболла вылямалли ӑмӑртусенчен пуҫланнă, анчах ҫанталӑк япӑх пулнипе, ăмăртава "Парус" спорт шкулне куҫармалла пулнă. Турнир итогӗсем тӑрӑх Йăлпăлактамак ялӗнчи пĕрлештернĕ команди пӗрремӗш вырӑна, иккӗмӗш вырӑна - "Парус" спорт шкулӗн волейболисчӗсем йышӑннӑ, виҫҫӗмӗшне — Ермолкин ялĕн команди.

Ҫак кун, кӑнтӑрлахи 12 сехетре, Пишпÿлекри Культура керменӗнче "Муниципалитетсем хушшинчи туризм — хӑвӑрт йӑпанмалли кластер туса хурасси" темӑпа ПР предпринимательствӑпа туризм министрӗ Зухра Маулитбаевна Гордиенко тата кӳршӗ районсен представителӗсем хутшӑннипе стратегилле сесси иртнӗ. Сессире ҫӗнӗ проектсем тата малалла районти туризм инфратытӑмне аталантарассине сӳтсе явнă.

Фестиваль Пишпÿлекри Ахметов ячĕллĕ паркра анлӑ мероприятисемпе вӗҫленнӗ.

Уяв Пишпÿлекри Культура керменĕн юрăпа инструмент ансамблӗн концертӗнчен пуҫланнă. Ҫамрӑк артистсем хутшӑнакансене пурне те паллӑ, лайӑх юрăсемпе савӑнтарнă.

Площадкăра ретро-автомобильсен куравĕ иртнĕ. Уй-хир экспонатсен ретро коллекцийӗпе интересленесси, кабинӑра ларса пăхасси, капота е багажника уҫса пăхасси кашни ҫынна май пулнӑ.

Парка кӗнӗ ҫӗрте "Шыв айӗнчи патшалӑх" ӳкерчӗксен районти конкурс куравĕ, ҫавӑн пекех "Клевое место" — халӑх ӑстисен ӗҫӗсен куравĕпе суту-илӗвӗ йӗркеленӗ. Ҫак кун парк территорийӗнче йĕркеленĕ наци кил-ҫурчӗсем уйрӑм тимлӗхе çĕнсе илнӗ. Вӗсенчен кашниех хӑйсен халӑхӗн культурине тата йӑлана кӗнӗ кухнине кӑтартнӑ.

Йӗркеленнӗ йӑла тӑрӑх хӑнасене тӗрлӗ апат-ҫимӗҫпе, ҫавӑн пекех пултарулӑх коллективӗсен тухса каланипе, юри-кĕввипе кӗтсе илнӗ. Парк сцени ҫинче уява хутшӑннӑ хисеплӗ ҫынсене саламлани иртнĕ. Вӗсем фестивале хатӗрленнине пысӑк хак панă тата организаторсене йыхравшӑн тав тунă.

Пушкӑртстан Республикинчи предпринимательлӗх тата туризм министрӗ Зухра Гордиенко халӑхпа хӑнасем умне тухса салам сӑмахĕ каланӑ.

— Пӗтӗм района пӑхса ҫаврӑнтӑм та ӑна пӗтӗм чун-чӗререн юратса пӑрахрӑм. Ҫӳлти Турă сирӗн ҫӗре юратать. Кунта илемлӗ ҫӑлкуҫсем, тусем, вӑрмансем нумай, паллах, унӑн ӗҫчен халӑхӗ пурăнать. Кунта ҫамрӑк предпринимательство хӑвӑрт аталанать. Тавтапуҫ сире, Пишпÿлек, ҫак чаплӑ "БишБалык" уявшӑн.

Зухра Маулитбаевна РБ предпринимательлӗх тата туризм министерствин "Пишпÿлек районӗнче нумай ҫул тӳрӗ кӑмӑлпа ӗҫленӗшӗн тата предпринимательлӗхе аталантарас ӗҫе пысӑк тӳпе хывнӑшӑн" уйрӑм предпринимательсене Газиз Рифгатович Сирева, Алия Тафкиловна Файзуллинана, Эльнара Тимербаевна Суфьянованана, çавӑн пекех Пишпӳлек район администрацийӗн экономика, инвестицисемпе предпринимательлӗх пайӗн начальникне Елена Александровна Захарована Тав ҫырӑвӗсем панă.

ПР предпринимательлӗх тата туризм министрӗ СВО валли маскировка сеткисем явма хутшӑнакансене уйрӑм тав тунă. Ҫавӑн пекех вӑл республикӑра Пишпÿлек районӗ пирӗн боецсем валли пуринчен те ытларах массетьсем явнине палӑртнă.

Пишпÿлек район администрацийӗн пуҫлӑхӗ Артур Мухлисович Зарипов та гастрофестиваль хӑнисене саламланӑ.

— Эпир сирӗнпе шӑпах ҫак кун ахальтен мар пухӑнтӑмӑр. Июлӗн иккӗмӗш вырсарникунĕнче Раҫҫейре Пулӑҫ кунне паллӑ тӑваҫҫӗ. Ҫак кун тӗлне эпир ак ҫакӑн пек чаплӑ пулӑ фестивальне виҫҫӗмӗш ҫул ирттеретпĕр ӗнтӗ. Пӗтӗм организаторсене, ял совечĕсене, наци пӗрлешӗвӗсене, эсир ҫав тери лайӑх картиш — ҫӗнӗ килкартисем тата ҫавӑн чухлӗ тутлӑ апат-ҫимӗҫ хатӗрлесе панӑшӑн пысӑк тав. Ку ӗнтӗ пирӗн район бренчӗ пулса тӑчӗ. Мероприятие эпир ахаль ирттерместпӗр. Пирӗн тӗллев пирӗн район мӗнле илемлӗ пулнине, унӑн ресурсӗсем пулнине тата туристсене пирӗн илемлӗ ҫӗршыва ытларах та ытларах илӗртнине кӑтартасси. "БишБалыкпа" пирӗн районӑн малашлӑх пысӑк. Пирӗн фестивале малалла ӳсӗмпе аталану сунатӑп, — палӑртнă район пуҫлӑхӗ.

Патшалӑх политикинче, ҫемьене хӳтӗлес тата йӑлана кӗнӗ ҫемье хаклӑхӗсене упраса хӑварас енӗпе 2024 ҫула Раҫҫейре Çемье çулталӑкӗ тесе пӗлтернӗ. Фестиваль шайӗнче пирӗн районти ҫемьесене чыслани иртнӗ. Район администраци пуҫлӑхӗ Фурсеевсен çемйине Николай Григорьевичпа Галина Витальевнана "Юратушӑн тата шанчӑклӑхшӑн" медаль панă. Вӗсем пилӗк тӑлӑх ачапа тӑватӑ хăйсен ачине ҫитӗнтернӗ. Хальхи вӑхӑтра вӗсенчен пӗр ачи ятарлӑ ҫар операцине хутшӑнать, иккӗмӗш ывӑлӗ унта ҫывӑх вӑхӑтра каять. Ҫавӑн пекех пӗтӗм Раҫҫейри "Çулталӑк çемйи" конкурса хутшӑннӑшăн дипломпа "Ял ҫемйи" номинацире Галиевсен, Трофимовсен, Гатиятуллинсен ҫемйисене наградӑланӑ. Пӗтӗм Раҫҫейри "Çулталӑк çемйи" конкурса хутшӑнакан канаш тапхӑрне хутшӑннӑ дипломпа Хасановсен ҫемйине "Ылтӑн ҫемье" номинацире наградӑланӑ. Республикӑри "Ҫулталӑк çемйи-2024" конкурса хутшӑнакансене профессири ҫӗнӗ ҫитӗнӳ тата пӗтӗм Раҫҫейри "Ҫемье-2024" конкурс тапхӑрне хутшӑнма ӑнӑҫлӑ хатӗрленӗшӗн Пишпÿлек район администрацийӗ Каминкери ял библиотекин библиотекарьне Ирина Сергеевна Николаевана, Каныкай ял библиотекарьне Римма Ришатовна Нафикована тав ҫырӑвӗсем панă.

"Наци кил-ҫуртне "БишБалык-2024" гастрофестиваль шайӗнче йӗркеленӗшӗн» район администрацийӗн тав ҫырӑвӗсене наци пĕрлешĕвĕсен ертÿçисене Республикӑри тӗп строительство управленийӗн председателӗ Руслан Дмитриевич Цагельник панӑ. Ҫавӑн пекех вӑл суту-илӳ организацине йыхравшӑн тав тунă, фестивале ӑнӑҫлӑн аталантарма тата пирӗн тавралӑха аталантарма суннă.

Фестивалӗн хисеплӗ хӑнисенчен пӗри Пушкӑртстанри кулинарсен, рестораторсен тата отельерсен председателӗ Наталья Николаевна Чибрикина пулнă.

— Виҫҫӗмӗш ҫул умлӑн-хыҫлӑн сирӗн парк площадкинче чаплӑ конкурс ирттереҫҫӗ. Паян эсир пире пулла лайӑх ресторансенче панӑ пек пама пӗлнипе тӗлӗнтертӗр. Пурне те питӗ юратса тунӑ. Сирӗн ҫине пӑхса пирӗн республикӑри чылай хуласем ҫакӑн пек мероприятисем ирттерме пуҫларӗҫ. Кӑҫал эпир шӑпах номинаципе конкурс ирттерме шутларӑмӑр, — палӑртнă Наталья Николаевна.

Ассоциаци председателӗ гастрофестивале хутшӑнакансене дипломсем панă. «БишБалык-2024" гастрономи фестивалӗн тути классик" номинацисенче дипломсемпе наградӑланӑ — Пелепейри механизаципе электрификаци колледжӗн Пишпÿлекри филиалне, "Пишпÿлекри экзотика тути" — ИП Михайлова Татьяна Николаевна, "Авторла уха" — "Пишпÿлек фермерӗ" СПОК, "Чи пысӑк уха" — ИП Тиманкин Роман Владимирович, "Чи ҫутӑ тутă" — ИП Макеева Елена Валентиновна. "Профессие парӑннӑшӑн" рестораторсемпе отельерсен тата кулинарӗсен ассоциацийĕнчен ятарласа Елена Валентиновна Макеевана наградӑланӑ.

Ҫак кун паркра чи пӗчӗк хӑнасемшӗн батутсем, карусельсем, юратнă тутлӑ апат-ҫимӗҫ, ҫавӑн пекех ачасемпе ҫитӗннисене кӑпӑк шоу савӑнтарнă.

Фестивальти курӑмлӑ площадкӑсенчен пӗри пушкӑрт "Бэйге" многоборьпе районти ӑмӑртусем пулса тӑнă. Чи хӑюллӑ Пишпÿлек паттӑрӗсем ӑмӑртура вӑй виҫнĕ. Малти вырӑнсене уйӑрнă: Артур Салимов, Дмитрий Павлов, Виталий Вишнев.

Уяв каҫӗн асра юлаканни — Рахмановсен ҫемйи тухса калани пулса тӑнă. Канатоходецсен цирк номерӗсем, вӑй аттракционĕсем, клоунада ҫитӗннисене те, ачасене те тӗлӗнтернӗ.

"БишБалык" гастрономи фестивалӗн программи питĕ тулăх пулнă. Килнӗ ҫынсем пурте йӑлана кӗнӗ пулӑ шӳрпи пӗҫерме пултарнӑ. Кунсӑр пуҫне пулӑ, сувенир продукцийӗ, аттракционсем, сутакан апат-ҫимӗҫе дегустацилессине йӗркеленӗ.

Район ҫыннисемпе хӑнисем иртен пуҫласа каҫченех Пишпÿлек ялӗн паркӗнче иртекен тӗрлӗ мероприятисене, конкурссене, кĕрешÿсене, ӑмӑртусене куракансем тата хутшӑнакансем пулнă. Каҫ пуласпа Пушкăрт эстрадин паллӑ артисчӗсем хутшӑннипе концерт пулнă.

Неля САБАХОВА.

Сӑнӳкерчӗкӗсем: Неля Сабахова.