Легендарлӑ паттӑрăн Салават Юлаевӑн йӗнерне Абу-Дабире тӑратӗҫ

Кун ҫинчен "Ирандык" ыркăмăллӑх фончӗн директорӗ Айнур Ишмухаметов каласа панӑ.

"Ирандык" ыркăмăллӑх фончӗ 2024 çулхи августӑн 31-мӗшӗнчен пуҫласа сентябрӗн 8-мӗшӗччен Абу-Дабире, ОАЭра иртекен Пӗтӗм тӗнчери сунар тата утлӑ спорт куравне хутшӑнать. Куравра хальхи алăпа ăсталанă пушкӑрт йӗнерӗ тата Салават Юлаев йӗнерӗн историллӗ копийӗ пулӗҫ. Ҫавӑн пекех хальхи йӗнерсене ӑсталамалли ӑсталӑх класӗ ирттерӗҫ.

 

Пӗлтӗр Пӗтӗм тӗнчери "Башкорт аты" фестивальте Пушкӑрт Республикинчи Наци музейӗ хӑйне евӗрлӗ экспонатсем тӑратнӑ. Вӗсем хушшинче "Пушкӑрт лашин историйӗ" куравӑн тӗп экспоначӗ пулса тӑнӑ йӗнер пулнӑ. Ку йӗнере Калмакларово ялӗнчи ватă çынсем 1925 ҫулта музее панӑ. Легенда тăрăх, йӗнер республикӑри Наци геройӗн Салават Юлаевӑн пулнӑ.

 

Аса илтеретпӗр, августӑн 15-16-мӗшӗсенче Баймак районӗнчи Графское кӳлли хӗрринче пушкӑрт йӑхӗнчи "Башкорт аты" лашасен тӗнче фестивалӗ пулать.

 

Сӑнӳкерчӗкĕ: Пушкӑрт Республикинчи Наци музейӗн ҫӑлкуҫӗсенчен.