Ахаль искусство кăна мар…

Ситекпуçĕнчи Культура çуртӗнче пултарулӑх сезонӗ уҫнине халалланӑ пултарулӑх каҫӗ иртнӗ. Килекенсем хӑйсен вӑхӑтне усӑллӑ ирттерме Культура çуртĕнчи клуб формированийӗсем мӗнле ӗҫленипе паллашнă.

 "Ырӑ кӑмӑл" физкультурӑпа сывлӑх пӗрлешӗвӗн ертӳҫи Валентина Дорофеевна Васильева 2019 ҫултанпа хӑй тавра хăйĕн пекех хавхалануллă, оптимистла, ырӑ кӑмӑллӑ ҫынсене пухать. Эрнере пилӗк хут тӗл пулаҫҫӗ, гимнастика тӑваҫҫӗ, хутшӑнаҫҫӗ, юрӑсем юрлаҫҫӗ, уявсене пӗрле паллӑ тӑваҫҫӗ – ку та аван! Каçра Валентина Дорофеевна занятисем ҫинчен каласа панă, пӳрне упражненийӗсем ирттернӗ, усӑллӑ канашсем панă.

 "Аса" ("Челнок") чӑвашсен йӑлана кӗнӗ палас тĕртекенсен клуб ертӳҫи Надежда Евгеньевна Васильева пир-авӑр станокӗ мӗнле ӗҫлени ҫинчен, хӑйӗн илӗртӗвӗсем ҫинчен каласа панă. Надежда Евгеньевнӑн чылай ӗҫӗсене вырӑнти Культура çуртĕнче ҫеҫ мар, районти Культура керменӗнче те куравсенче тӑратаҫҫӗ.

Каҫ хӑни — пирӗн аккомпаниатор, Пишпÿлекри искусство шкулӗн преподавателӗ Едиханов Раиль Рустамович пулнӑ. Хутшăнакансем саксофонпа баян кӗввипе киленнĕ. Раиль Рустамовича вӗҫӗмсӗр итлес килет.

Мероприятие Наци костюмӗ кунӗ тӗлне йӗркеленӗ. Культура çуртӗнче таврапӗлӳ кӗтесӗ пур, унта чӑваш халӑхӗн костюмӗсене, тумтир элеменчӗсене пуҫтарнӑ. "Тӑванлӑх" халӑх фольклор ансамбльне хутшӑнакансем чӑваш халӑхӗн йӑли-йĕркисене упраса хӑварас тӗлӗшпе ӗҫлеҫҫӗ.

Каҫ пӗр сывламасӑр иртнӗ, хутшăнакансене хавхалану зарячӗ тата ӗҫлес кӑмӑл панă.

Сăнÿкерчĕкĕсем: Ситекпуçĕнчи Культура çурчĕн социаллă сетьри страницинчен.

https://vk.com/sedyakbashsdk2023