Каминке ҫыннисем валли ҫӗнӗ центр

Сывӑ пурнӑҫ йӗркине тата вӑрӑм ӗмӗре юратакансен, халӑх ӑстисен, пултаруллă çынсен, ҫавӑн пекех вырӑнти таврапӗлӗве тӗпчесе вӗренекен ҫынсене туртӑм вырӑнӗ Каменкери социаллӑ пурнӑҫпа культура центрӗ пулса тӑрӗ.

"Культурăн чикки ҫук. Ку вӑл ҫынсене хӑйсен гражданлӑхне, нацине, тӗнне пӑхмасӑрах пӗрлештерекен инструмент".

(Радий Хабиров "АРТ-Курултай" культура форумӗнче тухса каланинчен, 2021 ҫулхи ҫу уйӑхӗн 14-мӗшӗ).

Каминке ҫыннисем ӑна тӗпрен юсанӑ хыҫҫӑн уҫасса чӑтӑмсӑр кӗтеҫҫӗ. Икӗ хутлӑ пысӑк ҫуртӑн юсаса ҫӗнетес тата юсас ӗҫӗсем кунта 2020 ҫулхи декабрь вӗҫӗнче пуҫланнӑ. Малтанлӑха пӗлтернӗ тӑрӑх, социаллӑ пӗлтерӗшлӗ объекта уҫма ноябрь уйӑхӗнче палӑртнӑ.

— Юсав ӗҫӗсем тӗрлӗ сӑлтавпа вӑрӑма тӑсӑлчӗҫ, унта ытларах укҫа-тенкӗ ыйтăвĕ пулчĕ. Пушкӑрт Республикин Пуçлăхĕ Радий Хабиров тата социаллӑ пурнӑҫпа тӗллевлӗ программӑсен Фончĕ пулӑшнипе Камсинкери социаллă центра реновацилеме май пулчӗ, — каласа парать район администрацинчи культура, ҫамрӑксен политикин, спорт тата обществӑлла пӗрлешӳсемпе ҫыхӑнса ӗҫлекен пай начальникӗ Елена Арефьева. — Паян Каменкере пулса куракан кирек кам та ял сӑн-сӑпатне тӗпрен улӑштарнӑ социаллӑ культура центрӗн тулашри улшӑнӑвне лайӑх енчен кӑна палӑртма пултарать. Тӗрлӗ тӗслӗ профнастилтан тунӑ ҫӗнӗ чатӑр ҫивитти, стенасене тĕрлĕ тӗслӗ сӑрланӑ сайдинг, хальхи чӳречесемпе алӑк блокӗсем ӑна мӑнаҫлӑн кӑтартаҫҫӗ. Ҫурт тавра территорие карта тытса ҫавӑрнӑ, йывӑҫ лартса тухнӑ, тирпейлеççĕ. Кунта Каминке ял совечӗн администрацийӗ, ял библиотеки, фельдшерпа акушер пункчӗ, ял клубӗ тата физкультурӑпа аппаланмалли тренажер залӗ вырнаҫӗҫ. Кунсӑр пуҫне социаллӑ культура центрӗнче наци костюмӗн лабораторийӗ пулать. Кунта наци костюмӗсемпе декорацисем ҫӗлеме ҫӗвӗ ҫӗлекен машинкӑллӑ чӑн-чӑн цех пулать. Мордва ҫеҫ мар, ытти национальноҫсем вали те костюмсем çĕлеççĕ кунта. Наци кухнин лабораторийӗ ӗҫлӗ, унта килекенсемпе кӗрекенсене пурне те мăкшă наци апатне ҫитерме пулать. Туристсен темиҫе маршрутне — ҫветтуй ҫӑлкуҫне, Каминке пӗвине тата ӗлӗк хӗрарӑм мӑнастирӗ пулнӑ вырӑна — туртăм вырӑнĕ пулса тӑрасса шанатпăр. Социаллӑ культура центрӗнче тата гончар ҫаврашки тата керамика изделийӗсене пӗҫертме термокăмакасем лартмалли керамика мастерскойĕ ӗҫлӗ. Чӳлмек ӗҫне юратакансем валли кунта мастер-классем иртĕç. Хальхи вӑхӑтра ҫуртсен пур пӳлӗмӗнче те юсав ӗҫӗсем вӗҫленнӗ, ӑшӑтмалли, ҫутатмалли тата шывпа тивӗҫтермелли системӑсем ирттернӗ, чи ҫывӑх вӑхӑтра сӗтел-пукан тата кирлӗ оборудовани илсе килессе кӗтеҫҫӗ.

— Пирӗн социаллӑ центр хӑй патне пыракансене тулашри тата шалти интерьерӑн ҫутипе те, илемӗпе те савӑнтарӗ тесе шутлатӑп, — тет Каминке ял библиотекин ертсе пыракан библиотекарĕ Ирина Николаева. — Юсав ӗҫӗсем кунта "питĕ лайăх" хак илчӗҫ. Халӑхра ҫакӑн пек сӑн пур: капӑрлӑх, ялтӑрав, илем! Ҫакна пирӗн социаллӑ центр ҫинчен те калама пулать. Урайсем пур ҫӗрте те йӑлтӑртатаҫҫӗ, ура ярса пусма та шиклентерет. Пирӗн ял библиотеки часах лайӑх условисенче пулать. Кунта ҫӳлӗксем валли, кирек мӗнле ҫулсемшӗн те, пӳлӗмри чечексемшӗн те, ӑслӑ та усӑллӑ кӗнекесем валли вырӑн çителĕклĕ пулӗ. Кунта тӗрлӗ мероприятисем, вулав конференцийӗсем, интереслӗ ҫынсемпе тӗлпулусем, кӗнеке выставкисем ирттермелли вырӑнсем йӗркеленӗҫ. Эпӗ ӗнтӗ пурне те калатӑп: "Каминке ял библиотекине килӗр!»

Владимир СМОЛОВ.

Ирина НИКОЛАЕВАН сӑнӳкерчӗкӗ.