Ситекпуçĕнче Çĕнĕ çула кĕтсе илнĕ

Ситекпуçĕнчи Культура çуртӗнче декабрӗн 30-мӗшӗнче "Асамлӑ хӗллехи каҫ" Бал-маскарад иртнӗ.
Каçăн чаплӑ пайӗ Культура çурчӗн сцени ҫинче иртнӗ ҫулăн пӗтӗмлетӗвӗсене пӑхса тухнипе пуçланнă. Куракансем тунӑ ӗҫ ҫинчен видео-презентаци пӑхнă. Пишпÿлек ял тӑрӑх пуҫлӑхӗ Александр Александрович Семенов Çӗнӗ ҫул ячӗпе саламланă, "Çурт фасадне Ҫӗнӗ ҫул ячӗпе илемлетесси" конкурса хутшӑнакансене тав ҫырӑвӗсемпе парнесем панă. Киров ячӗллӗ кооператив председателӗ Александр Маркелович Тихонов тата ял старости Галина Владимировна Скоробогатова уяв ячӗпе саламланă.
"Факирсемпе ҫӗленсем" вӑйӑ программи ҫав тери хӗрӳллӗ иртнӗ. Куракансем пурте хастар хутшӑннă. Факирсемпе ҫӗленсем командăсем пухса, хăйсен хӑвӑртлăхне, вӑр-варлăхне, тавҫӑрулӑхне кăтартса тупӑшнӑ.
Мероприяти малалла Культура çурчĕн фойинче тӑсӑлнă, Хĕл Мучипе Юрпикепе пĕрле елка тавра вӑйӑ вылянă, сӑвӑсем каласа панă. Каҫ дискотекӑпа вӗҫленнӗ.
Ҫӗнӗ ҫул ячӗпе, хаклӑ тусӑмсем! Тӑнӑҫлӑх, таса тӳпе, сывлӑх, ҫемье ырлӑхӗ!
Сăнÿкерчĕкĕсем: Ситекпуçĕнчи Культура çурчĕн социаллă сетьри страницинчен.

https://ok.ru/group/54151801667774