Йăлпăлакра ҫӗнӗ ҫул Бал-маскарачĕ иртнӗ

2024 ҫулхи декабрĕн 31-мӗшӗнче Йăлпăлакра ҫӗнӗ ҫул Бал-маскарачĕ иртнӗ. Уява ял тӑрӑх пуҫлӑхӗ Александр Семенов уҫнă, ял ҫыннисене тата хӑнасене Çӗнӗ ҫул ячӗпе саламланă, вӗсене телей, сывлӑх суннă, "Уйрӑм ҫурт-йӗре Ҫӗнӗ ҫула илемлетни" конкурс ҫӗнтерӳҫисене дипломсемпе тата парнесемпе чысланă.
Ҫав кун ял Культура ҫуртӗнче тӗрлӗ йӑпану мероприятийӗсем, вӑйӑсем, конкурссем йӗркеленӗ. "Чебурашка авланма шутлани" ҫӗнӗ ҫул спектаклĕ пурне те килӗшнĕ, кӑмӑл-туйӑм ҫӑлкуҫӗ пулса тӑнă. Сценари хӑйне евӗрлӗ те интереслӗ пулнă. Тата паллах, праҫникӗн тӗп хӑнисемпе - Хĕл Мучипе Юрпикепе тӗл пулни те иртнĕ. Спектакль тӑршшӗпе тӗрлӗ музыка композицийӗсем тата художество пултарулӑхӗн номерӗсем янӑранă. Хĕл Мучипе Юрпике сюрпризсемпе парнесем нумай илсе килнĕ. Уяв каҫӗн юлашки тапхӑрӗ "Ҫӗнӗ çул дискотеки" пулса тӑнă. Пухӑннисем пурте ҫитес ҫул валли темӗн чухлӗ энерги илнӗ мероприятипе кӑмӑллӑ юлнă!
Сăнÿкерчĕкĕсем: Пишпÿлек ял Совечĕн социаллă сетьри страницинчен.
https://vk.com/sp_bizh