Ял культурипе чунне упракан библиотекарь

Библиотекӑра хӗрӗх ҫул ытла ӗҫленӗ май Лия Кириллова Ăхпуçĕнчи вулакансен шанчăкне тата хисепне ҫӗнсе илнĕ.
Ăхпуçĕнчи ял библиотекинче чӑн-чӑн культура ӗҫченӗ вӑй хурать, вӑл хӑйӗн ялĕн пурнӑҫӗн уйрӑлми пайӗ пулса тӑнă. Лия Александровна Кириллова Пурлăка поселокӗнче ҫуралнӑ, Пăслăк ялӗнче ӳснӗ. Уфари библиотека техникумӗнчен вӗренсе тухнӑ хыҫҫӑн 1985 ҫулта Ăхпуçне качча тухнӑ та 40 ҫул ӗнтӗ ялти библиотекарьте вăй хурса кӗнеке, пӗлӳ тата общество савӑнӑҫне парнелет. 2007 ҫулта вӑл искусствӑпа культура академийӗнчен вӗренсе тухнӑ, ҫакӑ ӑна квалификацине ӳстерме тата библиотека ӗҫне ҫӗнӗ идейӑсем кӗртме май панӑ. Лия Александровна валли библиотека - кӗнекесем хунӑ ахаль пӳлӗм кӑна мар, чӑн-чӑн пӗлӳ храмӗ, унта кашниех хӑйне валли мӗн те пулин кирлӗ япала тупма пултарать. Библиотекӑра хӗрӗх ҫул ытла ӗҫленӗ май вӑл пӗлӳсен витӗмлӗ туприне пухнӑ ҫеҫ мар, ял вулаканĕсем хушшинче шанӑҫпа хисепе ҫӗнсе илнӗ.
1994 ҫултанпа библиотекӑра "Встреча" клуб ӗҫлет, вӑл пултаруллӑ ҫынсене пӗрлештерет. Клуб членӗсем нумай мероприятие хастар хутшӑнаҫҫӗ. Вӗсем писательсемпе поэтсене халалланӑ тематика мероприятийӗсем йӗркелеҫҫӗ, паллӑ авторсемпе пултарулӑх тӗлпулӑвӗсем ирттереҫҫӗ, ҫакӑ ҫынсене культура пуянлатма пулӑшать.
Библиотекӑра вырӑнти йӑла-йӗркене, культурӑна палӑртакан экспонатсемпе этнографи кӗтесӗ туса хунӑ. Авалхи япаласем, килти ӑпӑр-тапӑр тата наци тумтирӗсем хӑнасене ҫав тери интереслентереҫҫӗ, ҫакӑ вара вӗсене питӗ тӗлӗнмелле атмосфера туса хурать.
Библиотекарь ӗҫленӗ ҫулсенче нумай мероприяти хатӗрлесе ирттернӗ, Çимĕк умӗнчи Ял уявĕ ҫӗршывӑн пур кӗтесӗсенчен те ентешсене пухать. 1913 ҫулта туса лартнӑ земство шкулĕн ҫуртӗнче вырнаҫнӑ библиотека вырӑнти ҫынсем валли пӗрлешӳ центрӗ пулса тӑнӑ, унта пур пухусем те иртеҫҫӗ, ӑрусем хушшинчи ҫыхӑнӑва ҫирӗплетеҫҫӗ.
Пӗлтӗр Лия Кириллова тивӗҫлӗ канăва тухнă пулин те ял ҫыннисем ӑна пӗртен-пӗр культура вучахне сӳнтерес мар тесе юлма ыйтнă. Ку вӑл ҫынсем библиотекӑна питӗ юратни тата унӑн работникӗн авторитечĕ ҫинчен калать.
30 ҫул ытла библиотекарь участокри суйлав комиссийӗн председателӗн тивӗҫӗсене пурнӑҫлать, ҫавӑншӑн РФ тата ПР Тӗп суйлав комиссийӗнчен тав ҫырӑвӗсемпе Хисеп грамотисемпе нумай палӑртнӑ. Унӑн ӗҫӗ библиотека мероприятийӗсемпе кӑна ҫырлахмасть: библиотека вулаканĕсем, ачасем те, ҫитӗннисем те, акцисене, флешмобсене тата конкурссене хастар хутшӑнаҫҫӗ.
Хальхи технологисем те ҫак библиотекӑран пӑрӑнса иртмеҫҫӗ — социаллӑ сетьсенчи страницӑсенчи онлайн-акцисем хӑйсен ентешӗсене илӗртнӗ, вӗсем халӗ килтен инҫетре пулсан та пулса иртекен событисен пӗр пайӗ пулма пултараҫҫӗ.
Лия Александровна обществӑшӑн яланах уҫӑ пулни те пӗлтерӗшлӗ. Вӑл хӑйӗн вулаканӗсен шӑпипе чунтанах интересленет, вӗсем мĕн кӑмӑлланине асра тытать, вӗсене интереслентерме пултаракан кӗнекесене сӗнме тӑрӑшать. Ҫакă асӑрханмасăр юлмасть, ял ҫыннисем нумайӑшӗ ун ҫинчен библиотекӑра ахаль кӑна ӗҫлекен пек мар, унпа пурӑнакан ҫын ҫинчен пек ӑшӑ кӑмӑлпа калаҫҫӗ. Информаципе тулнӑ тӗнчере Лия Александровна вулавпа культура хӳтӗлевҫи пулса юлать. "Ик-Вершинская библиотека" ВКонтакте страницине активлӑ кĕреççĕ, вӑл çырăнакансенчен лайӑх сасăсем илет.
Хӑйӗн ӗҫлӗ пурнӑҫӗнче библиотекаре упӑшкипе ачисем — ывӑлӗпе хӗрӗ, ҫавӑн пекех юратнӑ мӑнукӗсем пулӑшаççĕ, вӗсем ӑна вӑй-хал тата хавхалану кӳреҫҫӗ.
Библиотека - кӗнекесен ахаль вырӑнĕ кăна мар; вӑл - ҫынсене пӗрлештерекен тата культурӑна аталантарма пулӑшакан ял чунӗ. Ан тив, вӑхӑт иртнӗҫемӗн нумай улшӑнтӑр, Ăхпуçĕнчи библиотека обществӑпа культура центрӗ пулса юлтăрах, унӑн вулакансен чӗринче пурӑнтăрах.
Надежда НИКОЛАЕВА,
Пишпÿлек ялĕ.
Сӑнӳкерчӗкӗсем: Лия Кириллован архивӗнчен.