Районти ача-пӑча библиотекинче Ача-пӑча тата ҫамрӑксен кӗнеке эрни пуçланнă

Районти ача-пӑча библиотекинче Ача-пӑча тата ҫамрӑксен кӗнеке эрни - ҫулленхи Пӗтӗм Раҫҫейри акци пуҫланнă. Акци тӗллевӗ - ачасем вулама хăнăхтарасси тата ача-пӑча литературине аталантарасси. Кӑҫал вӑл уйрӑмах пӗлтерӗшлӗ, мӗншӗн тесен ăна Тӑван çӗршывӑн Аслӑ вӑрҫинче ҫӗнтернĕренпе 80 ҫул ҫитнине тата Тӑван çӗршыв хӳтӗлевçин çулталăкне халалланӑ. Акци девизӗ: "Малалла тӑсӑлакан истори".
Эрнен малтанхи кунӗнче, апрелӗн 1-мӗшӗнче, "Вулав ҫӗршывӗнчи Знайкăпа Незнайкăн хаваслӑ приключенисем" театрализациленӗ спектакль ирттернӗ. Ачасене кӗнеке патши саламланă, ҫакӑн пек чаплӑ праҫник пулса иртнин историйӗпе тата ача-пӑчапа ҫамрӑксен кӗнекин эрнин планӗпе паллаштарнă. Малалла вӗсем юмахри геройсемпе Знайкăпа тата Незнайкăпа пӗрле "Ҫумӑр тата аслати", "Ваттисен сăмахне вӗҫле", "Алă çупнисене итле", "Героя ҫырса кӑтартнă тӑрӑх пӗл", "Юмахри героя пӗл" конкурссене хутшӑннӑ. Ҫавӑн пекех пĕлÿллĕ викторина ыйтӑвӗсене хуравланă.
Эрнен пӗрремӗш кунӗ ҫав тери интереслӗ те пĕлÿллĕ иртнӗ. Малта вӑйӑсем, конкурссем тата ҫулҫӳревсем нумай.
#ВсероссийскаяНеделяДетскойИЮношескойКниги2025
#РайоннаяДетскаяБиблиотека
#ПраздничныйВторник

Сăнÿкерчĕкĕсем: Пишпÿлекри ача-пăча библиотекин социаллă сетьри страницинчен.
https://vk.com/club84987221