Уфара Нугман Мусина асӑнса литература конкурсӗн ҫӗнтерӳҫисене чысланă

 

Пушкӑрт писателӗсен çуртӗнче Пушкӑрт халӑх писателӗн Нугман Мусинӑн литература конкурсӗн ҫӗнтерӳҫисене чысланă, унӑн йĕркелÿçисем ПР писателӗсен союзӗ тата «Йэшлек» хаҫат редакцийӗ пулнă.   

— Пирӗн хаҫат вулаканĕсем хушшинче литература конкурсӗсене тахҫанах ирттерет, - каласа панă «Йэшлек»  тӗп редакторӗ Артур Давлетбеков. — Конкурс калавӗсен тӗп теми тӑван ҫӗршыва юратни, патриотизм пулса тӑчӗ. Анчах эпир лирика та, детективсем те пур калавсене те пӑхса тухрӑмӑр.

Конкурса пурӗ 36 калав килнӗ, вӗсенчен 20 лайӑххине хаҫат страницисенче псевдонимпа пичетлесе кӑларнӑ. Калавсене жюри хак панă, вунă ҫӗнтерӳҫе суйласа илнĕ.

Пӗрремӗш вырӑна Уфари Разина Урманшина ҫӗнсе илнӗ. Иккӗмӗшӗсем Амина Яхина (Сибай) тата Борис Махмутов (Оренбург) пулса тӑнă. Виҫҫӗмӗш вырӑна Фарзана Акбулатова  (Уфа), Зифа Ишмурзина (Зианчура районӗ) тата Рузида Утяшева (Сибай) йышӑннӑ. Ҫӗнтерӳҫӗсем конкурс спонсорӗсенчен укҫа-тенкӗ парнисем илнӗ.

 

Конкурсӑн приз фончӗ 100 пин тенкӗпе танлашнӑ, республикӑри писательсен союзĕ ятарлӑ приз панӑ.

 

— Кун пек конкурссем ҫӗнӗ талантсем уҫаççĕ, чи малтан вулакансемшен лайăх, — палӑртнă Артур Давлетбеков. — Иккӗн конкурса пӗрремӗш хут хутшӑннӑ, вӗсен ячӗсем-ҫӗнтерӳҫӗсен шутӗнче. Уйрӑмах Оренбург театрӗн режиссерӗ Борис Махмутова "Суккӑр ташӑҫӑ" калавпа паллӑ тӑвас килет.

 

Сӑнӳкерчӗкĕ: Юлай Каримов.