Шкулта «Эпӗ наци тумӗпе вӗренетӗп» акци иртнĕ

Пишпÿлекри 3-мӗш вăтам шкулта Пушкӑртстан Республикинчи халӑхсен наци тумӗн кунне халалланӑ мероприятисем иртнĕ.

«Эпӗ наци тумӗпе вӗренетӗп» акцие шкулта вӗренекенсемпе педагогсем хастар хутшӑннă.

Ҫавӑн пекех шкулта «Чӑваш наци костюмӗ: аваллӑхран пуҫласа хальхи вӑхӑтчен», «Наци костюмӗ - халӑхӑн еткерӗ» класс сехечӗсем иртнĕ, унта вӗренекенсем Пушкӑртстан Республикин территорийӗнче пурӑнакан тӗрлӗ халӑхӑн наци костюмӗсене йӗркелессин историйӗпе паллашнă.

Ҫакӑн пек мероприятисем ирттерни тӑван халӑх йӑли-йӗркипе кӑсӑкланнине, тӑван тӑрӑхпа мӑнаҫланнине, халӑх ӑстисен ӗҫне хисепленине аталантарма пулӑшать.

#учусьвнациональномкостюме

#ДеньНациональногоКостюма2025

 

Сăнÿкерчĕкĕсем: Пишпÿлекри 3-мӗш вăтам шкултăн социаллă сетьри страницинчен.

 

 https://vk.com/club206548118