Сувенирсем куҫ илме çук пулса тухнă!

Парнесӗр мӗнле уяв пултӑр-ха? Юпа уйӑхӗнче вара вӗсем харӑсах темиҫе. Асӑнмалӑх сувенирсем хатӗрлеме ӗлкӗрмелле. Ҫавӑнпа, воспитани ӗҫӗн планĕпе, Пишпÿлекри Ача-пăча пултарулӑх центрӗн «Полимерная фантазия» пӗрлешӗвӗнче сувенир кашӑкӗсем калӑплассипе ӑсталӑх класӗ иртнӗ.

Елена Петровна педагог ачасене парне памалли этикет правилисемпе паллаштарнă. Мӗнле парнесем пани вырӑнлӑ пулни тата савӑнӑҫ кӳрекен парнене мӗнле суйламалли пирки каласа панă. Ăсталăх класне хутшăнакансем хӑйсен историйӗсемпе паллаштарнă, сувенирсем калӑплама тытӑннă.

Сувенирсем куҫа илме çук пулса тухнă! Ҫап-ҫутӑ, илемлӗ, ун пеккисене парнелеме те, илме те кӑмӑллӑ.

Сăнÿкерчĕкĕсем: Пишпÿлекри Ача-пăча пултарулӑх центрӗн социаллă сетьри страницинчен.

https://vk.com/club144264663