Ача сачĕн воспитанникĕсем районти ача-пăча библиотекинче пулнă

Пишпÿлекри «Улыбка» ача сачӗн «Гномики» кӗҫӗн ушкӑн воспитанникӗсем ашшӗ-амӑшӗсемпе пӗрле районти ача-пача хӑтлӑ библиотекине ҫитсе литература тӗнчине илӗртӳллӗ ҫул тытнă. Ҫак мероприяти ҫемьесене пӗрлехи ӗҫ тавра — пӗчӗкскерсене литература тата вулав тӗнчипе паллаштарасси — пӗрлештерме питӗ лайӑх сӑлтав пулнă.

Шкул ҫулне ҫитменнисем библиотекăпа паллашни — ҫӗнӗ, асамлӑ та интереслӗ тӗнче уҫни, вӑл ҫутӑ туйӑм ҫуратать. Ҫакӑ воспитанниксен сӑнӗсенче тӳрех курӑннă.

Библиотекарьсем ачасем валли вӑйӑсемпе сӑвӑсем тата хаваслӑ конкурссемпе тулнӑ ҫутӑ мероприяти хатӗрленӗ.

Ачасем библиотека Кӗнеке çурчӗ пулнине пӗлнĕ. Унта вӗсене тӑрӑшса упраҫҫӗ, ҫынсене вӑрах усă кÿме пултарччӑр тесе сыхлаҫҫӗ. Библиотекарь ачасене унӑн вулаканӗ мӗнле пулмалли ҫинчен каласа панă, библиотекӑра хӑйне мӗнле тытмалли правилӑсемпе, кӗнекепе мӗнле ӗҫлемелли правилӑсемпе паллаштарнă. Шкул ҫулне ҫитмен ачасем кашни кӗнекен стеллаж ҫинче хӑйӗн вырӑнӗ пуррине, кӗнекесем пӗр-пӗр йӗркепе тӑнине, вӗсене киле илсе кайса, библиотекӑн вулав залӗнче вулама май пуррине тата библиотекӑпа усă кураканăн кашнин вулав формулярӗ пуррине пӗлнĕ.

Пӗчӗк вулакансем конкурссене хастар хутшӑннӑ, тупмалли юмахсене хуравланӑ. Ашшӗ-амӑшӗсем те мероприятие хастар хутшӑннӑ: ачасене юрӑхлӑ кӗнекесем суйлама пулӑшнӑ, ачалӑхри хӑйсен шухӑш-кӑмӑлӗсем ҫинчен каласа панӑ тата юратнӑ кӗнеке аса илӗвӗсемпе паллаштарнӑ; ҫак опыта хакланӑ, мӗншӗн тесен библиотекӑна пӗрле кайса ҫӳрени ачасене вулама юратма хӑнӑхтарма пулӑшать тата ачаран усӑллӑ йӑласем йӗркелет. Атмосфера ӑшӑ та хӑтлӑ, ҫакӑ литература урлӑ ҫемьери пӗрлӗхӗн хӑйне евӗрлӗ атмосферине йӗркелеме май парать.

Мероприяти библиотека ӗҫченӗсен ҫакӑн пек ӗҫӗн пӗлтерӗшӗпе хаклӑхне палӑртса пур ҫынран та ӑшӑ тав сӑмахӗсемпе вӗҫленнĕ.

Ҫакӑн евӗр мероприятисем ҫитӗнекен ӑрăва вулав культурине аталантарма пулӑшаҫҫӗ, ҫемьери ҫыхӑнусене ҫирӗплетеҫҫӗ тата литературӑпа ҫирӗп кӑсӑкланаҫҫӗ. Ара, шӑпах кӗнеке кашни пӗчӗк вулакана асамлӑ мыскарасем парнелеме, фантазипе пӗлӗвӗн тӗлӗнмелле тӗнчин алӑкне уҫма пултарать-ҫке!

#деньзаднем
#работасродителями
#родительскоепросвещениеРБ
#УлыбкаБижбуляк

Сăнÿкерчĕкĕсем: Пишпÿлекри «Улыбка» ача сачӗн социаллă сетьри страницинчен.

https://vk.com/club218299771