Михайловкăри Культура çуртĕнче «Авалхи япаласен тӗнчи» курав ирттернӗ

Пӗтӗм Раҫҫейри «Ночь искусств» акции йĕркипе Михайловкăри Культура çуртĕнчи ӗҫченсем «Авалхи япаласен тӗнчи» ятлă интереслӗ курав ирттернӗ. Хӑнасем совет саманинчи атмосферӑна кӗрсе вӑхӑт иртнӗҫемӗн сайра тӗл пулакан хӑйне евӗрлӗ йӑла-йӗрке япалисемпе киленме пултарнă. Хальхи технологисемпе материалсем кивӗ япаласене майӗпен хӗссе пыраҫҫӗ. Анчах та вӗсенчен кашниех историн пӗр пайне упрать, ҫынсем ӗлӗк мӗнле пурӑннине лайӑхрах ӑнланма пулӑшать. Кивӗ япаласем — япаласем кӑна мар, вӗсем иртнӗ саманана куçпа куракансем, пирӗн мӑн асаттесен кулленхи пурнӑҫне тарӑнрах ӑнланса илме май параҫҫӗ.

#Ночьискусств

Сăнÿкерчĕкĕ: Михайловкăри Культура çурчĕн социаллă сетьри страницинчен.

https://vk.com/club48252982