Тӗлӗнтермӗш вӑхӑт: Ҫӗнӗ ҫул площадьне уҫни!

Салам, туссем! Сывлӑшра ҫав хрусталь чӑнкӑртатнине илтетӗр-и? Ҫак хӗл хӑй хӑйӗн шӑнкӑравӗсене тӗп уяв умӗн йӗркелет! Вара эпир ҫулталӑк тӑршшӗпех кӗтни пулнă — Пишпӳлекре ҫӗнӗ ҫул площадьне чаплӑн уҫнă! Ӗненӗр, кичем пӗр ҫеккунт та пулман. Пысӑк та виҫӗ хут виҫӗ хутлӑ кӑпӑшка чӑрӑш патӗнче тӗп ӗҫсем пулса иртнĕ.

Кашкӑрпа Мулкач, пирӗн ӗлӗкхи пӗлӗшсем, яланхи пекех, хитре. Вĕсем ачасемпе хаваслӑ та хастар вылянă, пылак ҫимӗҫсемпе сӑйланă. Ҫӗнӗ ҫул асамлӑхӗ чи кӑткӑс характерсемпе те тӗлӗнтермӗшсем тӑвать иккен.

Анчах акӑ савӑнӑҫлӑ кӗвӗ янӑраса кайнă, ялтӑраса тӑракан ҫил-тӑман хупӑрласа илнӗ площаде Хӗл Мучипе Юрпике килсе çитнĕ. Пурҫӑн рубин пек ҫиҫекен Хĕл Мучи туяпа шаклаттарнă та — гирляндӑсем миллиард тӗрлӗ тӗслӗ ҫутӑсемпе ялкӑшса кайнă. Юрпике вара пурне те ҫав тери ӑшӑ, хӗвеллӗ кулӑ парнеленӗрен питҫӑмартисем те шӑнма пӑрахнӑ.

Хӗл Мучи: «Çак площадьре чи хаклӑ ӗмӗтсем пурнӑҫланччӑр. Чи кирли — тӗлӗнтермӗше пӗтӗм чӗререн ӗненесси!»

Пӗлетӗр-и, ҫак самантра тӗлӗнтермӗше ӗненетĕн. Ҫакна кашни ача, кашни ҫитӗннӗ ҫын куҫӗнче курăннă. Тӗлӗнтермӗш килчӗ пирӗн пата, юлать халĕ вăл пирӗнпе  Кивӗ Ҫӗнӗ ҫулчченех.

Ҫӗнӗ ҫул площадьне килӗр. Кунта асамлӑх шӑрши кӗрет, уява пӗтӗмӗшле кӗтни чуна ӑшӑтать. Кашни кун кӗтетпӗр сире.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz?from=groups