«Тӗлӗнтермӗшсен тӗнчи» пултарулӑх ҫуралнӑ вырăн

Пишпӳлекри Культура керменӗн «Тӗлӗнтермӗшсен тӗнчи» пултарулӑх пӗрлешӗвӗнче ача-пӑча фантазийӗ чикӗсĕр пулнине кăтартса панă, алӑсем вара ансат материалсенчен чӑн-чӑн шедеврсем тума вӗренеҫҫӗ.
Кунта ачасем пултарулӑхӑн тӗлӗнмелле тӗнчине путаҫҫӗ: пластилинпа чустаран ӑсталаҫҫӗ, гипс кӗлеткесем тăваççĕ — формӑсӑр масса илемлӗ статуэтка пулса тӑнине савӑнса сӑнаҫҫӗ. Тата кунта йӑла-йӗркене типтерлӗ упраҫҫӗ: ачасем халӑх пултарулӑхне вӗренеҫҫӗ, ӗмӗр-ӗмӗр ӑруран ӑрӑва куҫса пынӑ авалхи ал ӗҫӗсемпе тӗрӗсем ҫинчен пӗлеҫҫӗ.
Анчах пултарулӑх вӑл сӗтел хушшинче ӗҫлени кӑна мар. Пӗрлешӳ пурнӑҫӗн пӗлтерӗшлӗ пайӗ — паркра пӗрле уҫӑлса ҫӳресси, ун чухне ахаль калаçма, кулма, таврари илеме асӑрхама пулать. Музейсене кайса ҫӳрени вара ачасене пӗтӗм ҫут тӗнчене уҫать: тӑван ен историйӗнчен пуҫласа искусствӑн аслӑ произведенийӗсем таранах.
Кунта ачасем ҫӗннине кӑна вӗренмеҫҫӗ — вӗсем туслашма вӗренеҫҫӗ. Вӑхӑта пӗрле ирттерме, пӗр-пӗрне пулӑшма, ҫын ҫитӗнӗвӗсемшĕн савӑнма, пӗчӗк ӑнӑҫсӑрлӑхсене пӗрле тӳссе ирттерме. «Тӗлӗнтермӗшсен тӗнчинче» пултарулӑх кӑна мар, ҫирӗп, ӑшӑ туслӑх та ҫуралать.

#Бижбуляк #ДК #МирЧудес #ТворчествоДляДетей #НародноеТворчество
Сăнÿкерчĕкĕсем: Пишпÿлекри Культура керменĕн социаллă сетьри страницинчен.
https://vk.ru/bizbulyakdk