Юратнӑ анне

Василий Давыдов-Анатри

Хӗвел пек ӑшӑ ҫыннӑм, анне,
Ҫук санран ҫывӑххи тӗнчере.
Эс кӳретӗн кил-ҫурт илемне,
Юратса ӳстеретӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Таймапуҫӑм сана,
Таймапуҫӑм.
Ҫӑлтӑр пек ҫутӑ ҫыннӑм, анне,
Ҫук санран лайӑххи тӗнчере, —
Сывлӑм пек таса чун хавалне —
Пурнӑҫна парнелетӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Таймапуҫӑм сана,
Таймапуҫӑм.
Ылтӑн пек ырӑ ҫыннӑм, анне,
Ҫук санран кӑмӑлли тӗнчере, —
Ҫӗклемешкӗн Ҫӗршыв хӑватне
Ӑраскал пехиллетӗн пире.
Эй, аннеҫӗм, пӗртен-пӗр анне,
Яланах эс ҫӗклен чӗрене, —
Таймапуҫӑм сана,
Таймапуҫӑм.

Сăнÿкерчĕкĕ: уçă çăлкуçран.