Пурӑнас ялтах...

Килен-каян та пур ялтах,
Тăван-пĕтенĕ çак ялтах.
Масарĕ те çумрах, ялтах.
Шутлам та тĕплĕнрех йăлтах —
Пурнас ялтах.

Шурă пӳртре шур кăмака,
Кушак çури пур пĕр «çăмха».
Уçса-хупмашкăн —
пур хапха,
Выртса-тăмашкăн пур лапка,
Ĕçме-çиме илме — лавкка.
Шутлам та тĕплĕнрех йăлтах —
Пурнас ялтах.

Ăçта халь тин васкамалла,
Тур пӳрнине кунтах пуль курмалла.
Таçта пит кĕтекенĕ пур-и?
Ытла хыт чĕнекенĕ пур-и?
Чун ыратсан — çурта çутсан,
Ваттисене чăн асăнсан,
Турри кăшт сывлăхне парсан...
Шутлам та тĕплĕнрех йăлтах —
Пурнас ялтах.

Сăнÿкерчĕкĕсем: Иван Григорьев.
https://vk.com/chun_poezi_proza