Пӗчӗк савнисем

Тӳпе Юркки. Сăвă.

Пӗчӗк савнисем

Тӳпе Юркки. Сăвă.

Эс юратнӑ чечек пахчара -

Тӗрлӗ тӗслӗ хитре лилисем.

Пӗрле пулма пире тем чарать:

Эп кӗтетӗп - тархасшăн, килсем.

Лилисем, лилисем - савни пек,

Пит илемлӗ куллийӗ вӗсен.

Калаҫса хускалаҫҫӗ сан пек -

Пит аван чечек чунне кӗрсен.

Эп сире ҫупӑрлап юратса,

Тав туса шӑварап кунсерен.

Вӗсен ҫутӑ куҫҫульне курса,

Хамӑнне те шӑлап ирсерен.

Лилисем, лилисем, лилисем -

Пахча тулли пӗчӗк савнисем.

Килейместӗн пулсан - ан килсем:

Пӗрлех пулӗҫ ҫавах чӗресем.

Сăнÿкерчĕкĕсем: архивран.

Пӗчӗк савнисем

Автор:

Читайте нас:

Новости партнеров