Пушкӑрт патшалӑх СМИ ертӳҫи Пӗтӗм тӗнчери информацие хӳтӗлемелли кун ҫинчен аса илтернӗ

Кун ҫинчен вӑл социаллӑ сетьсенче ҫырнӑ.
Пушкӑртстанри Пичет тата СМИ агентствин ертӳҫи Максим Ульчев паян, ноябрӗн 30-мӗшӗнче, Пӗтӗм тӗнчери информацие хӳтӗлемелли кун пулнине аса илтернӗ. Вӑл СМИ хальхи чӗнӗве хатӗр пулмаллине палӑртнӑ. Сӑмах социаллӑ сетьсемпе мессенджерсем ҫинчи фейксем ҫинчен пырать.
- Пирӗн вӗсене тивӗҫлӗ сирсе ямалла тата республикӑпа ҫӗршыв пурнӑҫне объективлӑ ҫутатса памалла, - ҫирӗплетнӗ Максим Ульчев.
Аса илтеретпӗр, "Республика Башкортостан" Издательство ҫурчӗ республикӑри, районсен тата хуласен 146 хаҫачӗсемпе журналсене пӗрлештерет. Унсӑр пуҫне кӑларӑмсем 150 ытла сайт тата социаллӑ сетьсенче 400 яхӑн аккаунт илсе пырать.
"МГ" информацийĕпе.