Путин министрсен кабинетне медицина ĕçченĕсене ĕçшĕн тÿлемелли çĕнĕ система кĕртмелли сроксене палăртма хушнă

Патшалăх пуçлăхĕн тивĕçлĕ хушăвĕсене 2020 çулхи сентябрĕн 20-мĕшĕччен пурнăçламалла. Раççей правительстви регионсен влаçĕсемпе çулталăк тăршшĕнче РФ субъекчĕсенче медицина ĕçченĕсене ĕçшĕн тÿлемелли çĕнĕ система кĕртмелли сроксем çинчен ыйтăва ĕçлесе хатĕрлемелле. РФ Президенчĕ октябрĕн 2-мĕшĕнче сывлăх сыхлавĕн пуçламăш сыпăкне модернизацилесси çинчен канашлăва пĕтĕмлетсе палăртнă хушусенче пур.