Пушкăртстанра диспансеризаципе профосмотрсем ирттерме чарнă

Кун сӑлтавӗ — республикӑра коронавируспа чирлекенсен шучĕ пĕрмай нумайланни.

Коронавирус инфекцине сарӑлма памассипе ĕçлекен оперштаб ларӑвӗн пӗтӗмлетӗвӗсем тӑрӑх Пушкӑртстанри планпа пӑхнӑ диспансеризаци тата профилактика тӗрӗслевӗсене чарса лартасси ҫинчен йышӑну тунӑ.

Регионти сывлӑх сыхлавӗн министрӗ Максим Забелин каласа панӑ тӑрӑх, регионта темиҫе эрне хушши сovid-19 чирлекенсен шучĕ самаях ҫӳллӗ шайӗ ҫирӗп тытӑнса тӑрать. Вӑхӑтлӑха диспансеризаци тумалли тата профилактика тӗрӗслевӗсене планпа ирттерме икӗ эрнелĕхе чарӑнни медицина учрежденийĕнче пӗрремӗш сыпăкăн тытӑмне пушатма пулӑшмалла. Диспансеризаци ӗҫне хутшӑнакан тухтӑрсем соvid-19 чирлекен пациентсене васкавлӑ пулӑшу парас енӗпе ĕçе вӑйлатӗҫ.

Ҫавӑн пекех Пушкӑртра республикӑри ҫивӗч сывлав органĕсен чирĕсемпе чирлекен пациентсен шучӗ ӳсет. ОРВИпе тата ОРЗпа чирӗсен шайĕ çак вăхăтра яланхи пекех ӳссе пырать.

Максим Забелин палӑртнӑ тӑрӑх, чирлесе ӳкнӗ ачасен шучӗ ӳсни палӑрать. Больницӑра 18 ҫултан кӗҫӗнрех 99 пациент сиплеҫҫӗ, амбулатори сиплевӗ 240 ытла ача иртет, икӗ пине яхӑн ачана сovid-19па чирлет тесе тишкереҫҫӗ. Ҫемйи-çемйипе чирлекенсен шучӗ ӳсет.

 «МГ» информацийĕпе.