Раҫҫейре ҫитес виҫӗ ҫула тӳлевсӗр медицина пулӑшӑвӗн программине ҫирӗплетнӗ

Раҫҫейре граждансене медицина пулӑшӑвӗн тӳлевсӗр гарантийӗсен программине ҫирӗплетнӗ, 2022 ҫулта тата планпа пӑхнӑ 2023 тата 2024 ҫулсенчи тапхӑрта. Ҫак постановление Правительство председателӗ Михаил Мишустин алӑ пуснӑ.
Раҫҫей правительствин сайтӗнче пӗлтернӗ тӑрӑх, ҫӗнӗ программӑра сывлӑх сыхлавӗн тытӑмӗн ӗҫ уйрӑмлӑхӗсене коронавирус инфекцийӗ сарӑлнӑ условисене шута илнӗ, хальхи вӑхӑтра больницӑпа поликлиникӑсем ҫине тиекен нагрузка ӳссен те пациентсем сиплемелли япаласемпе кирлӗ таран усă курмалла.
Тарӑнрах диспансеризаци ирттерме медицина организацийӗсен тӑкакӗсене тавăрса пама укҫа-тенкӗ уйӑрассине палӑртнӑ. 2021 ҫулхи июлӗн 1-мӗшӗнчен пуҫласа ҫавнашкал тӗпчеве коронавируспа чирлесе ирттернĕ граждансене йыхравлаҫҫӗ. Вӑл май килнӗ кӑткӑслӑхсене тупса тухтӑрсен рекомендацийӗсене илме тата вӑхӑтра сиплеме пулӑшать.
Унсӑр пуҫне программӑна сипленмелли хаклӑ меслетсемпе, ҫав шутра чӗрепе юн тымарӗсен хирургийӗпе те, усӑ курса пысӑк технологиллӗ медицина пулӑшӑвӗн переченьне кӗртнӗ.
Ҫавӑн пекех программӑна инсультпа чирлекен пациентсене сиплеме пысӑк технологиллӗ медицина пулӑшӑвӗн хушма тӗсӗсене хушса панӑ.
Пӗтӗмӗшле илсен, унчченхи пекех, граждансем пурне те тивӗҫлӗ медицина страхованийӗн полисӗпе, ҫав шутра пысӑк технологиллӗ тата специализациленӗ, тӳлевсӗр пулӑшу илĕç.
"Башинформ" информацийĕпе.