Максим Забелин: Пушкӑртстанра пациентсен 94 проценчӗ COVID-19 ҫӑмӑл формӑпа чирлесе ирттереççĕ

Пушкӑртстанӑн Патшалăх вице-премьерĕ, сывлӑх сыхлав министрӗ Максим Забелин февралӗн 15-мӗшĕнчи брифингра республикӑра паянхи куна коронавирус инфекцийӗпе чирленӗ 168 662 ҫынна регистрациленине палӑртнă. Юлашки талӑкра 3 954 ҫӗнӗ самант йӗркеленӗ. Вӑл каланӑ тӑрӑх, пациентсенчен чылайӑшӗ амбулаторинче сипленеççĕ. Цифра кӑтартӑвӗсене илес пулсан, ку вӑл халь чирлекенсенчен 94%, пӗтӗмпе - 25 778 ҫын ҫӑмӑл формăпа чирлет. Стационарта 336 ҫын, вӗсенчен 207 çынни 60+ ÿсĕмри. Пӗр пациент та ИВЛ айĕнче выртмасть. Максим Забелин активлӑ диагностика малалла пынине палӑртнă.
"Башинформ" информацийĕпе.