Çутă çул
-3 °С
Пӗлӗтлӗ
Пур хыпар та
Медицина
14 Декабрӗн 2022, 13:50

Пушкӑртстанра ҫӗршывра аналогсӑр "ӑслӑ" медицина кравачӗсем кӑларма пуҫланă

Завод кăларакан сӗтел-пукан продукцийĕ уйӑхне вунă пин единицӑран иртет.

Пушкӑртстанра ҫӗршывра аналогсӑр "ӑслӑ" медицина кравачӗсем кӑларма пуҫланă
Пушкӑртстанра ҫӗршывра аналогсӑр "ӑслӑ" медицина кравачӗсем кӑларма пуҫланă

Уфа предприятийӗ "Медстальконструкци" ООО хӑйӗн продукцине Раҫҫей сывлӑх сыхлав эрни-2022 шайӗнче презентациленӗ. Ку вӑл пӗтӗм тӗнчери наукӑпа практика форумӗ, 1974 ҫултанпа иртекенскер. Форум Раҫҫей Сывлӑх сыхлав министерствин ҫулленхи мероприятийӗсен списокне кӗрет. "Сывлӑх сыхлавӗ" куравра хӑйсен продукцине вунă ҫӗршывран 650 яхӑн хутшӑнакан хутшăннă.
"Медстальконструкци" медицина кравачӗсен производствине хӑйне евӗрлӗ туса хатӗрленӗ. Инновациллӗ моделе йӗркелесе тӑракан ҫӳллӗшлӗ виçесемпе, электроприводсемпе тата СPR функципе пуянлатнӑ, вӑл чӗрепе ҫӑмӑл реанимаци, медсестра тата дисплей пульчӗпе пациента пилӗк положенире, ҫав шутра вертикальлӗ вырӑнта тӑма май парать. Унччен Раҫҫейре кун пек оборудование никам та туман, Раҫҫей аналогĕ ют ҫӗршывсеннинчен палӑрмаллах йӳнӗрех. Тӗп потребитель пулса интенсивлӑ терапи, реанимаци тата реабилитаци уйрӑмӗсем тухӗҫ.
Ҫулталӑк хушшинче инновациллӗ краватьсен сериллӗ производствине йӗркелеме тата ӗҫ вырӑнӗсен шутне ӳстерме палӑртнӑ. Ҫӗнӗ продукци валли комплектлакан предприяти хӑйӗн лаптӑкӗсенче кӑларать, ҫакна тума 12 пин тӑваткал метр лаптӑкра цех тӑваҫҫӗ. Функциллӗ краватьсем кӑларакан ҫӗнӗ производствӑна хута ярсан вĕсен производстви 30 процент ӳсӗ. Завод кăларакан сӗтел-пукан продукцийĕ уйӑхне вунă пин единицӑран иртет.
"Башинформ" информацийĕпе.

 

Пушкӑртстанра ҫӗршывра аналогсӑр "ӑслӑ" медицина кравачӗсем кӑларма пуҫланă
Пушкӑртстанра ҫӗршывра аналогсӑр "ӑслӑ" медицина кравачӗсем кӑларма пуҫланă
Автор:Марина Иванова
Читайте нас: