Уҫӑ форматра иртнӗ тӗлпулу усӑллӑ пулнă

"Декабрӗн 20-мӗшӗнче Пишпÿлек районӗнче пурӑнакансемпе сывлăх сыхлав ыйтăвĕсемпе тӗлпулу ирттернӗ. Тӗлпулу питӗ пӗлтерӗшлӗ иртнĕ, сывлӑх сыхлавӗн тытӑмне аталантарассине сӳтсе явнă, унӑн тӑрӑмӗнчен пирӗн обществӑн пӗтӗмӗшле ырлӑхӗ нумай килет. Тĕп больницăн главврачĕ Марат Абдуллин докладне итленĕ, кирлӗ ыйтусене сӳтсе явнă. Район ҫыннисем, тӗлпулӑва килнӗскерсем, хастар хутшӑнни савӑнтарать - вӗсенчен кашниех хӑйӗн шухӑшне каласа пама тата хурав илме пултарнă. Уҫӑ форматпа иртнӗ ҫак тӗлпулу усӑллӑ пуласса, ҫынсене чăннипе пулӑшма май парасса чӗререн шанса тӑратпӑр.
Патшалӑх Пухӑвӗн депутатне Салават Фаттахович Харасова уйрӑм тав тӑватӑп, вӑл республикӑри тенденцисем ҫинчен каласа панă, пирӗн район сывлӑх сыхлавӗн тытӑмӗ умӗнче тӑракан задачӑсене татса пама пулӑшма сăмах пачĕ", - çырать район администраци пуçлăхĕ.
Сăнÿкерчĕкĕсем: Артур Зариповӑн "ВКонтакте" страницинчен.