2022 ҫулта Пушкӑртра 55 ФАП тата пилӗк сиплев учрежденийӗ уҫнӑ

Раҫҫей Правительствин Премьер-министрӗ Михаил Мишустин Патшалăх Думинче отчетпа тухса каланӑ май 2022 ҫулта ҫӗршывра 270 больницӑпа поликлиникӑна, ҫавӑн пекех хӑвӑрт тăвăнакан фельдшерпа акушер пункчӗсемпе амбулаторисене 700 ытла туса лартни ҫинчен пӗлтернӗ. Сывлӑх сыхлавӗн 1300 объектӗнче тӗп юсав вӗҫленнӗ.
Раҫҫей министрсен кабинечĕн пуҫлӑхӗ каланӑ тӑрӑх, медицина организацийӗсем 37 пин оборудовани илнӗ. Ҫавӑн пекех вӗсене васкавлӑ пулӑшу машини тата врачсемпе пациентсене турттарма 4 пин автомобиль панӑ.
Михаил Мишустин ҫыннӑн сывлӑхне ҫирӗплетесси тата пурнӑҫ вӑрӑмӑшне ӳстересси - пӗтӗм патшалӑхӑн чи пӗлтерӗшлӗ тӗллевӗсем пулнине палӑртнă.
2022 ҫулта Пушкӑрт республикинче, регион министрӗ пӗлтернӗ тӑрӑх, хӑвӑрт тăвăнакан 55 ФАП туса лартнă, 32 медицина учрежденийӗнче тӗп юсав ирттернӗ.
Республикӑри больницӑсемпе поликлиникӑсене 7 пин ытла оборудовани, 116 автомобиль, вӗсен пысӑк пайӗ - васкавлӑ тата палиативлӑ пулӑшу пама илнӗ.
Бирскра ача-пӑчапа ҫитӗннисем валли поликлиникӑна, Чекмагушра - поликлиникӑна, Туймазăпа Сибайра - инфекци госпиталӗсене хута янӑ.
Регион Сывлăх сыхлав министерствин информацийӗ тӑрӑх, кӑҫал Нагаевăра поликлиника, Месягутовăра ача-пӑча поликлиники, РДКБ шутĕнчи ача-пӑча онкологийӗпе гематологи центрне, Большеустьикинскри больницана туса ҫитереҫҫӗ.
https://mgazeta.com/news/novosti/2023-03-23/v-bashkirii-v-2022-godu-otkryli-55-fapov-i-pyat-lechebnyh-uchrezhdeniy-318916

Ҫӑлкуҫĕ: "Башинформ".