Районти наркотика хирĕç комиссийӗн ларӑвӗ пулса иртнӗ

Пуш уйӑхӗн 29-мӗшӗнче администраци пуҫлӑхӗн социаллӑ ыйтусемпе кадрсем енӗпе ӗҫлекен заместителӗ Алексей Данилов ертсе пынипе наркотика хирĕç комиссийӗн ларӑвӗ пулса иртнӗ.

Комисси ӗҫне район территорийӗнчи наркотик юхăмне сӳтсе явнинчен тытӑннӑ, кун ҫинчен комисси членӗсене Раççей ОМВД Пишпÿлек районĕнчи уголовлӑ шырав уйрӑмӗн начальникӗ, полици майорӗ Мансур Арсланов пӗлтернӗ.

Район территорийӗнче Пӗтӗм Раҫҫейри "Вилӗмпе суту-илӳ ăçта тунине пĕлтер" наркотика хирĕç акци малалла тӑсӑлать. Ку пӗлтерӗшлӗ акци, унта наркотик тытăнса тăракан япаласен суту-илÿ точкисене палӑртаҫҫӗ. Ҫак акцие район территорийӗнче ҫамрӑксен хутлӑхӗнче ирттересси ҫинчен Пшпÿлекри çамрăксен "Вектор" центрĕн ертӳҫи Эльвира Тикшаева каласа панă.

Тата комисси членне, Пишпÿлекри тĕп район больницин нарколог-врачне Вячеслав Николаевич Захарова итленĕ. Наркологи лару-тӑрӑвӗ тата наркоманипе чирлисем хушшинче реабилитаци мерисен тухӑҫлӑхӗ ҫинчен вӑл сӑмах тухса каланă.

Ӗҫлӗ тӗлпулу вӗҫленнӗ хыҫҫӑн комисси ӗҫӗн малалла стратегине туса хатӗрленӗ. Ӗҫӗн тӗп ҫул-йӗрӗсенчен пӗри ачасен тата ҫамрӑксен наркотика хирĕç тавракурӑмне массӑллӑ информаци хатӗрӗсенче, учрежденисен официаллӑ сайчӗсенче, наркотиксене, эрех-сӑра тата табак изделийӗсен пурнăçласси ҫинчен калакан паллӑ социаллӑ информаци сечӗсенче вырнаҫтарас ӗҫе вӑйлатасси юлать.

Сăнÿкерчĕкесем: Пишпÿлек район администрацин социаллă сетьри страницинчен.

https://vk.com/officialbiz