Пушкӑртра пермяк-наркокурьера суд тӑваҫҫӗ

Наркотиксен пысӑк ушкӑнне сутма хӑтланнӑшӑн Пушкӑртра Пермь крайӗнче пурӑнакан ҫын суд умне тӑрӗ.

Нефтекамск прокуратури уголовнӑй ӗҫ пирки айӑпламалли заключени ҫирӗплетнӗ. Ведомствӑра пӗлтернӗ тӑрӑх, вӑл наркотиксене законсӑр сутнӑшӑн тата ӑна тума хӑтланнӑшӑн айӑпланать.

Следстви палăртнă тăрăх, арҫын наркотиксене сутакан интернет-лавккана заклад хуракан курьер пулса вырнаҫнӑ. Мессенджер урлӑ вӑл ҫӗршыври халӑх пурӑнакан вырӑнсен территорийӗнче пурнӑҫлама синтетика наркотикӗсен опытлӑ партине координацилесе тӑратаканран илнӗ. Унӑн усал ӗҫне кӑҫалхи май уйӑхӗнче полици сотрудникӗсем чарса лартнă. Вӗсем наркотик тултарнӑ 149 пакета туртса илнӗ.

Арҫын хӑй айӑпне йышӑннă. Уголовнӑй ӗҫе пӑхса тухма Нефтекамскри хула судне янӑ.

Сăнÿкерчĕкĕ: "Башинформ" ИА архивӗ.