Пушкӑртра наркотик сутма уйлакан ҫынна тытса чарнӑ

Стерлитамакра полицейскисем наркотиксене пысӑк виҫепе сутма шутланӑ ҫынна тытса чарнӑ. Кун пирки Раҫҫей МВД управленийӗн Стерлитамакри пресс-службинче пӗлтернӗ.

Наркотик ҫаврӑнӑшне тӗрӗслесе тӑракан пай сотрудникӗсем Стерлитамакра вӑрланӑшӑн маларах суд тунӑ 20 ҫулти вырӑнти ҫынна тытса чарнӑ.

"Тӗрӗсленӗ чухне шанчăклă мар ҫыннӑн виҫӗ полимерлӑ пакет тупӑннӑ, вӗсен ӑшӗнче, гашиш, 3 грама яхӑн пӗтӗмӗшле формӑллӑ прресланă татӑка, туртса илнӗ, — каласа панă МВД управленийӗн Стерлитамак тӑрӑх ӗҫлекен сотрудникӗ Лилия Исламгулова. — Унӑн хваттерне пӑхса тухнӑ чухне оперативниксем 70 грамм ытла гашиш тупнӑ, туртса илнӗ, ку та пысӑк виҫеллӗ шутланать. Полицейскисем электронлӑ портативлӑ виçе, банк карттисем тата полимерлӑ пакетсем тупнӑ".

Малтанлӑха пӗлтернӗ тӑрӑх, ҫамрӑк ҫын мессенджерта саккунсӑр ӗҫ тупнӑ. Вӑл чаруллă япаласене интернет урлӑ туяннӑ, вӗсене Стерлитамак территорийӗнче вӑрттӑн сутма шутланӑ, анчах ӑна вӑхӑтра полици сотрудникӗсем тытса чарнӑ.

Ҫамрӑк ҫын айăпне йышăнса кӑтартусем панă. Ун тӗлӗшпе наркотиксене нумай та пысӑк виҫепе сутма хăтланнӑ фактсем енӗпе икĕ уголовнӑй ӗҫ хускатнӑ. Айӑпланакан ҫынна хупнă.

Сӑнӳкерчӗкĕ: Пушкӑртри МВД пресс-служби.

https://www.bashinform.ru/news/law/2025-03-31/v-bashkirii-zaderzhali-podozrevaemogo-v-prodazhe-narkotikov-4178668