ÇТЕРЛĔ АГЛОМЕРАЦИНЧЕ «ХĂРУШĂ МАР ТАТА ПАХА АВТОМОБИЛЬ ÇУЛĔСЕМ» НАЦИ ПРОЕКЧĔ ПУРНĂÇА КĔРСЕ ПЫРАТЬ

Июнь уйăхĕн 19-мĕшĕнче ПР Патшалăх комитечĕн транспорт тата çул-йĕр хуçалăхĕсен специалисчĕсем Ишимбайпа Çтерлĕ районĕсене‚ Çтерлĕ хулине ĕçлĕ визитпа килсе çитнĕ. Асăннă районсемпе хулара çул-йĕр ĕçĕсем пыраççĕ.

Çтерлĕ агломерацине Çтерлĕпе Салават тата Ишимбай хулисем‚ Ишимбайпа Çтерлĕ районĕсем кĕни палăртса хăвармалла.

Специалистсем Çтерлĕри Пантелькина урамĕнчи çул-йĕр ĕçĕсен пахалăхне хак панă:

- Çакăнта «А-1» маркăллă çĕнĕ асфальт хураççĕ. Вăл питĕ лайăх асфальт шутланать. Кăçал нацпроекта пăхăнса хулара пурĕ 13 çул юсамалла‚ – тесе палăртнă ПР Патшалăх транспорчĕн председателĕн çумĕ Альберт Сулейманов.

Хулари Уфимская тракт урамĕнчи «Каустик» чарăну лаптăкĕнчи çĕр айĕнчи каçмана юсама палăртнă. Çитес вăхăтра Çтерлĕ хулинчи урамсенче 26 светофор‚ çул-йĕр паллисем‚ 3 камера тата картлавсем (барьерные ограждения) йĕркелесе лартĕç. Унсăр пуçне çуран çÿрекенсен çĕр айĕнчи пĕр каçмана та юсаса хăварĕç. Пĕтĕмĕшле 74 участокри çулсене юсама 513 млн тенкĕ уйăрса панă. Укçа-тенкĕн пĕр пайĕпе Ишимбай хулинчи урамсене юсĕç.

Программăна пăхăнса‚ автомобиль çулĕсене юсанисĕр пуçне‚ картлавсемпе çуран çÿрекенсен картисене (пешеходные ограждения)‚ çĕнĕ светофорсем лартĕç.

Кăçал Çтерлĕ-Раевка çулне те юсама плана кĕртнĕ. Çтерлĕ агломерацинчи çулсене виçĕ çĕнĕ фото тата видео камерăпа‚ 77 çул-йĕр паллипе тивĕçтерĕç.

#ВладимирПутин

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан

Читайте нас: