Пушкăртстанра 2024 çул тĕлне вăрман пушарĕсене сÿнтермелли техника çителĕклĕ пулĕ

Пушкăртстан влаçĕсем «Экологи» наци проекчĕн йĕркипе регионта вăрман пушарĕсене сÿнтерме валли техника шутне хальхи 83 процентран 100 процент таран çитерме шутлаççĕ.

Çакăн çинчен вăрман хуçалăхĕн министрĕ Марат Шарафутдинов пĕлтернĕ.

«Пушкăртстанри вăрман пушарĕсене асăрхаттаракан тата сÿнтерекен центрта 8 пушарпа хими станцийĕ. Çулталăк пуçламăше тĕлне вĕсен техника тивĕçтерĕвĕ 83 процентпа танлашатчĕ. 2024 çул тĕлне вăрман пушарĕсене сÿнтерме валли техникăпа, инвентарьпе, оборудованипе тивĕçтерессине 100 процента çитеретпĕр», — тенĕ министр.

Вăл палăртнă тăрăх, Пушкăртстан 2019 çулта вăрмансене пушарсенчен хÿтĕлеме валли техникăна çĕнетме 44 млн. тенкĕ ярать. 2024 çулччен кашни çул çакăн пек калпăшпа финансировани пăхса хăварнă.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан

Читайте нас: