ПАЛĂРТНĂ 4 ПИН ПОДЪЕЗДРАН 80% ЮСĔÇ

Çакăн пирки Республика Пуçлăхĕ Радий Хабиров эрнесерен ирттерекен канашлура вице-премьер тивĕçĕсене пурнăçлакан ПР Çурт-йĕр хуçалăх министрĕ Борис Беляев пĕлтернĕ.

Сентябрь уйăхĕн 1-мĕшĕ тĕлне палăртнă 4 пин подъездран 80 процентне юсаса пĕтермелле. Радий Хабиров муниципалитетсен пуçлăхĕсене асăрхаттарса, ĕçе йышăннă çĕре пурăнакансем те хутшăнмаллине палăртнă. Тĕрлĕ актсенче вĕсем тунă ĕçĕн пахалăхĕ килĕшсе алă пусни пулмаллах. Çаплах регион ертÿçи 2020 çулта юсамалли подъездсен списокне тата юсав ĕçĕсен графикне хатĕрлеме хушу панă.

Унсăр пуçне ПР Çурт-йĕрпе коммуналлă хуçалăх министерстивин икĕ эрне хушшинче «Нумай хваттерлĕ çуртри чи лайăх юсанă подъезд» конкурс положенине хатĕрлесе пĕтермелле.

#нацпроекты;

#национальныепроекты

#региональныепроекты;

#регпроекты;

#нацпроектыБашкортостан;