Наци проекчĕн йĕркипе «Искож» АО ĕç тухăçлăхне икĕ хут пысăклатнă

«Ĕç тухăçлăхĕ тата ĕçпе тивĕçтерме пулăшасси» наци проекчĕпе килĕшÿллĕн, унта хутшăнакан предприяти — «Искож» АО туса ирттернĕ ĕçĕпе паллаштарнă.«Искож» АО вĕрсе хăпартмалли пулăшу хатĕрĕсен (сулă) перекетлĕ производство механизмĕсене пилот проекчĕпе пурнăçа кĕртнĕ май туса кăларассин вăхăтне 63,1 % чакарнă, туса пĕтермен производство калăпăшне — 42,4 %, ĕç тухăçлăхне икĕ хут ÿстернĕ. Кунсăр пуçне предприятинче «супермаркет» механизмпа усă курнă шутран юхăм йĕркеленĕ, çурмафабриката упрамалли йĕркене улăштарнă.

«Искож» АО генеральлĕ директорĕ Лиана Киршина палăртнă тăрăх, компани ĕç тухăçлăхне ÿстермелли проекта вăл Пушкăртстан Республикинче пилот статусĕнче пулнă вăхăтрах кĕнĕ.

— Ĕçлекенсем ĕçе пурнăçласси çине урăхла пăхма тытăнмасăр çĕнĕ методсене кĕртсе пулманнине ăнланатпăр, çавăнпа та эпир ĕçлекенсене перекетлĕ производство, наставничество системипе вĕрентме бюджет укçи-тенкипе усă куратпăр. Кăçал 400 çынна вĕрентме 18 млн тенкĕ ытла расхутлама планлатпăр, — пĕтĕмлетнĕ «Искож» АО генераллĕ директорĕ.

Галина ВАРИКОВА хатĕрленĕ.

#нацпроект

Читайте нас: