Пушкăртстанра «Эко-Сити» регоператор çĕнĕ техникăна презентациленĕ

Пĕтĕмĕшле хывнă сумма 270 млн. тенкĕпе танлашнă. Вĕсем Стерлитамакра, Сибайра, Учалынче, Пушкăртстанăн кăнтăр тата кăнтăр-хĕвелтухăç енче ĕçлеççĕ. Çулталăк вĕçлениччен регоператор тата 25 единица техника туянма планлать. Октябрĕн 31-мĕшĕнче «Эко-Сити» Пушкăртстанăн кăнтăр районĕсенче (Мияки, Стерлибаш, Стерлитамак т.ыт.те) ĕçлекен 15 мусоровоз презентациленĕ. Виçĕ машинин каяшсене пусăрăнтармалли пысăклатнă коэффициент (7:1) пур. Вĕсене пысăк калăпашлă çÿп-çап та (сĕтел-пукан, алăксем т.ыт.те) тиеме пулать.

ПР Экологи министерствин Стерлитамакри территори управленийĕн начальникĕ Азат Хайбуллин каланă тăрăх, çĕнĕ техника туянни «Экологи» наци проектне пурнăçа кĕртме пулăшать.

https://ecology.bashkortostan.ru/presscenter

Уçă çăлкуçсенчен илнĕ сăнÿкерчĕк.

#нацпроектыБашкортостана