Çутă çул
+2 °С
Уҫҫӑнах
Пур хыпар та
Наци проекчĕсем
11 Ноябрӗн 2019, 11:10

Федераллĕ бюджетран «Çул-йĕр» наци проектне пурнăçлама тăхăр уйăхра 72,4 млрд. тенкĕ янă

«Безопасные и качественные автомобильные дороги» наци проекчĕн мероприятийĕсене пурнăçлама кăçалхи январь-сентябрьте 72,4 млрд. тенкĕпе усă курнă, çакă планланă калăпăшран 55,8 проценчĕпе танлашать.

Çакăн çинчен Шут палатин бюджета тăхăр уйăхра пурнăçланин оперативлă докладĕнчен пĕлме пулать.

«Безопасные и качественные автомобильные дороги» наци проектне пурнăçлама 2019 çулта Федераллĕ бюджетран пĕтĕмпе 129,74 млрд. тенкĕ уйăраççĕ. Наци проекчĕн йĕркипе 2019 çулхи январь-сентябрьте пурнăçланин чи пысăк проценчĕ 60,7 % (69,01 млрд. тенкĕ) «Дорожная сеть» федераллĕ проект тăрăх пулнă, унта регионсенче юсав ĕçĕсем туни тÿрремĕн кĕрет.

Пуринчен сахалрах пурнăçланин процентне РФ Шут палати «Безопасность дорожного движения» проектпа палăртнă. Ун тăрăх 2019 çулта 10,77 млрд. тенкĕ расхутлама пăхса хăварнă, анчах январь-сентябрьте 5,2 процентне кăна (557,6 млн. тенкĕ) алла илнĕ.



#нацпроектыБашкортостана
Читайте нас: