Китай Пушкăртстанта туса кăларакан çупа интересленет

Республикăри ялхÿçалăх министрĕн çумĕ Юрий Лысов каланă тăрăх, 2019 çулта Пушкăртстан 103 пин тонна ытла çу продукцине 2,6 млрд тенкĕлĕх туса сутнă.

Республикăри икĕ предприяти — «Сигма» компанисен ушкăнне кĕрекен Чишмари завод тата Кумертаури «Элеватор» ООО — экспортер пулса тăраççĕ.

— Пушкăртстанта туса кăларакан çупа нумайăшĕсем интересленеççĕ, предприятинче Китая яракан экспорт объемĕсене ÿстерме шутлаççĕ, — пĕлтернĕ ведомствăра.

2019 çулта çу продукцине Китайсăр пуçне Прибалтика çĕршывĕсене, Таджикистана, Узбекистана, Казахстана тата Белоруссине кÿрсе тăнă.