Пушкăртстанра «Елки в щепки» экологи акцийĕ пырать

Çĕнĕ çул уявĕ иртсе кайрĕ, кулленхи ĕç кунĕсем пуçланчĕç. Чылайăшĕ чăрăшсемпе сывпуллашма та ĕлкернĕ. Унччен праçник хыççăн чăрăш-хырсене кăларса пăрахатчĕç. Халĕ вĕсене усăллă пултăр тесе утилизацилеççĕ.

«Экологи» наци проекчĕпе килĕшÿллĕн, Уфара «Елки в щепку» экоакци ирттереççĕ. Вăл январĕн 11-мĕшĕнчен пуçланнă, 12, 18, 19-мĕшĕсенче те пулать.

ПР Ялхуçалăх министерствин специалисчĕсем каланă тăрăх, асăннă акци çынсене каяшсене уйрăмшар пухмалли проблемăна тимлеме ыйтать, мĕншĕн тесен чăрăшсемпе иккĕмĕш чĕртавар вырăнне усă кураççĕ.

«Башинформ» ИА материалĕсем тăрăх.

Читайте нас: