Çутă çул
+9 °С
Пӗлӗтлӗ
Пур хыпар та
Наци проекчĕсем
17 Кӑрлач 2020, 11:15

Белорецкри çĕнĕ чĕре тата юн тымар центрĕ çулталăк тăршшĕнче 600 яхăн сиплев процедури ирттерет

Белорецкра Регионти чĕре тата юн тымар центрĕ уçăлнă, пĕлтерет ПР Правительствин пресс-центрĕ. Медучреждение Белорецкри тĕп район больницинче Раççей Федерацин Президенчĕ Владимир Путин майри указĕпе çирĕплетнĕ «Сывлăх сыхлавĕ» наци проекчĕн «Борьба с сердечно-сосудистыми заболеваниями» регион проектне пурнăçлас йĕркепе уçнă.

Медучреждение уçнă хыççан çĕнĕ ангиографи комплексĕнче 3 операци ирттернĕ. Центрăн пĕрремĕш пациенчĕ 67 çулхи çын пулса тăнă. Вăл тахçантанпа ишеми чирĕпе чирлет. Операци хыççăн унăн пурнăçĕ чылай çăмăлланать. Белорецкри врачсене пĕрремĕш операцисем ирттерме республикăри Кардиоцентр специалисчĕсем пулăшнă.
Малашне республикăри Белорецк, Абзелил, Бурзян, Учалă районĕсенче тата Межгорьере пурăнакансем инçене каймасăр çÿллĕ квалификациллĕ медицина пулăшăвĕ илме пултараççĕ. Центрта çулталăкне 600 яхăн сиплев тата диагностика процедурисем ирттерме планлаççĕ.
Читайте нас: