Сибайра çÿп-çап ĕçлесе хатĕрлекен инновациллĕ завод пулать

Сибайра каяш хăварман технологиллĕ çÿп-çап ĕçлесе хатĕрлекен çĕнĕ завод тума планлаççĕ. «Единая Россия» депутачĕ, Пушкăртстан Республикинче «Экологи» наци проектне пурнăçлассипе ĕçлекен ушкăн ертÿçи Зариф Байгускаров каланă тăрăх, завод çĕршывра çакăн йышши пĕрремĕш предприяти пулса тăмалла.

Наци проектне пурнăçа кĕртес ыйтусем тăрăх ирттернĕ канашлура ĕнер, январĕн 28-мĕшĕнче, партин регионти обществăлла приемнăйĕнче Патшалăх Думин депутачĕ ытти регионсен опычĕпе паллаштарнă.

«Пĕлтĕрхи ноябрьте эпир ĕçлĕ ушкăнпа Нижний Новгородри çÿп-çап сортлакан тата ĕçлесе хатĕрлекен икĕ заводра пулса куртăмăр. Предприяти талăкĕ-талăкĕпе ĕçлет, унта ют çĕршыв оборудованийĕ лартнă, ĕçе пĕтемпе автоматизациленĕ, çавăнпа та пĕтĕм процеса икĕ çын çеç контроллет», — каласа панă Зариф Байгускаров.

2024 çулччен республикăра хытă коммуналлă каяша утилизацилемелли виçĕ объект тата хытă çÿп-çапа ĕçлесе хатĕрлемелли 16 комплекс тума шутлаççĕ.

«Башинформ» ИА материалĕсем тăрăх.

Читайте нас: