Çутă çул
+2 °С
Уҫҫӑнах
Пур хыпар та
Наци проекчĕсем
3 Нарӑсӑн 2020, 11:25

Уфари селекципе гибрид центрĕ хăйĕн продукцине Казахстана экспорта ăсатма пуçланă

#нацпроектыБашкортостанаПĕлтĕр Пушкăртстанран ПР агропромышленность комплексĕн продукцине 103,9 млн долларлăх экспорта ăсатнă.

Çакă вăл 2018 çулхипе танлаштарсан, 27,6 млн доллар ытларах. Çакăн пирки республикăн Ялхуçалăх министерствин пресс-служби пĕлтерет.
«Уфимский селекционно-гибридный центр» ООО Раççейри чылай регионсене ăратлă сысна сутать. Нумай пулмасть унтан хăйсен продукцине Казахстана янă. Уфари СГЦ ĕçченĕсем каласа панă тăрăх, Казахстана малашне те сысна сутасси çинчен калаçса татăлнă.
Экспорт тĕлĕшпе ыйтăва иртнĕ çул вĕçĕнче илсе пынă. Уфари СГЦ представителĕсем Казахстан Республикин предприятисемпе ассоциацисен ертÿçисемпе тĕл пулнă. Асăннă ĕçлĕ калаçăва «Международная кооперация и экспорт» наци проекчĕн йĕркипе илсе пыраççĕ. Центр Благовар районĕнче вырнаçнă. Вĕсене экспорт ĕçне илсе пыма ПР Ялхуçалăх министерстви, Россельхознадзор ветеринарипе территори управленийĕ пулăшать. Пĕрлехи ĕçе пула 2018 çултан продукцине Кыргызстана илсе каяççĕ.
Кăçалхи плансен шутĕнче — 455 пин США долларлăх 350 тонна ытла продукци экспортласси.
«Башинформ» ИА материалĕсем тăрăх.
Читайте нас: