Пушкăртстан каяшсене уйрăм пуçтарассипе Раççейĕн Çутçанталăк министерствин пилот проектне хутшăнать

#национальныепроекты«Экологи» наци проекчĕн йĕркипе тĕрлĕ ĕç-хĕл хастар пуçарса янă. Тĕпрен илсен, каяшсене уйрăм пуçтарассине йĕркелесе ярас ĕç пырать. Тивĕçлĕ пилот проекчĕ «Башкирия» наци паркĕнче пурнăçа кĕрĕ. Çакă уйрăм сыхлакан 15 çутçанталăк территорийĕнчен пĕри шутланать, ăна çак задачăна пурнăçлама Раççей Федерацин Çутçанталăк ресурсĕсен тата экологи министерстви суйласа илнĕ.

Çÿлерех асăннă Раççей ведомствин министрĕн çумĕ Елена Панова каланă тăрăх, уйрăм сыхлакан çутçанталăк территорийĕн представителĕсемпе, хытă коммуналлă каяшпа ĕçлекен регион операторĕсемпе, наука тата обществăлла организацисемпе ĕçлĕ çыхăну йĕркелемелле. Кунта вырăнти халăха тата туристсене те явăçтармалла. Ун шучĕпе, пĕрлĕхи тăрăшулăхпа кăна заповедник вырăнĕсен территорийĕсене таса та илĕртÿллĕ туса пулать.

«Башкирия» наци паркĕнче çакнашкал опыт пур ĕнтĕ. Пĕлтĕр Нугуш шыв хранилищин территоринче «типĕ» çÿп-çап валли 20 контейнер лартнă. Ĕçлесе хатĕрлеме пулман ытти каяша унчченхи тимĕр контейнерсенчех хăварнă.

«Панорама» хаçатран.

Читайте нас: