Пĕтĕм Раççей конкурсĕнче çĕнтернине пула Пушкăртстанри пилĕк территорине тирпей-илем кĕртĕç

#нацпроектыПĕчĕк хуласенче тата историпе çыхăннă тăрăхсенче комфортлă хула хутлăхĕ йĕркелессипе чи лайăх проектсен Пĕтем Раççей конкурсĕн çĕнтерÿçисен шучĕпе Пушкăртстан Мускав облаçĕпе тан пĕрремĕш вырăн йышăнна. Çакăн çинчен республика Пуçлăхĕ Радий Хабиров кашни эрнере ирттерекен оперативлă канашлура пĕлтернĕ.

— Пушкăртстан тата Мускав облаçĕ пĕрремĕш вырăн йышăннă, унта пилĕкшер проект суйласа илнĕ, — пĕлтернĕ регион ертÿçи. — Конкурс пĕтĕмлетĕвĕсем тăрăх республика федераллĕ бюджетран 320 млн тенкĕ ытла илет.

«Çурт-йĕр тата хула хăтлăхĕ» наци проекчĕн йĕркипе ирттерекен конкурса февралĕн 28-мĕшĕнче Тюменьре пĕтĕмлетнĕ. Пушкăртстан тата Свердловск облаçĕ пуринчен ытларах заявкăсем панă. Республикăран Агидель, Баймак, Благовещенск, Дюртюли, Кумертау, Мелеуз, Сибай, Янаул хулисем тата Мелеуз районĕнчи Воскресенское ялĕ, Зилаир районенчи Зилаир ялĕ тата Краснокама районĕнчи Николо-Берёзовка ялĕ хăйсен проекчĕсене тăратнă.

Конкурс комиссийĕ пилĕк çĕнтерÿçĕ-проект суйласа илнĕ. Вĕсенчен кашнийĕ 30-тан пуçласа 100 млн тенкĕ таранччен субсиди илет.
Регион ертÿçи пĕлтĕрхи çĕнтерÿçĕсен — Бирск, Белебей тата Ишимбай — хăйсен проекчĕсене 2020 çулхи ноябрĕн 1-мĕшĕччен пурнăçа кĕртмелле тесе палăртса хăварнă.

ПР Правительствин официаллă сайчĕ.

Читайте нас: