Наци проекчĕсене пурнăçа кĕртессине контроллекен тĕп федераллĕ инспектор хутшăннипе канашлу иртнĕ

Канашлура Пушкăртстанра наци проекчĕсене пурнăçланин тĕп кăтартăвĕсем çинчен пĕлтернĕ. Тĕпрен илсен, 21 шкул, 22 ача сачĕ, 5 ял клубĕ, 2 ача-пăча поликлиники, 33 фельдшерпа акушер пункчĕ тата ытти социаллă, инфратытăм объекчĕсем тунă. Пĕтĕмпе 26 млрд тенкĕ ытла расхутланă. Тĕп федераллĕ инспектор Михаил Закомалдин федераллĕ укçа-тенкĕ вăхăтлă тата пĕр тикĕс усă курмалли пирки уйрăм палăртса хăварнă.

2020 çулта 204-мĕш указа пурнăçлама 30 млрд ытла тенкĕ уйăрма планлаççĕ. Пушкăртстан 12 наци проектне — «Демографи», «Экологи», «Çурт-йĕр тата хула хутлăхĕ», «Вĕрентÿ» тата ыттисене хутшăнасси çинчен пĕлтерет.

Ларура коммуналлă çÿп-çаппа тыткаланмалли сферăри федераллĕ программăн хăш-пĕр кăтартăвĕсене пĕтĕмлетнĕ.