Професси потенциалне уçса парать

Мероприяти икĕ кун (мартăн 12 тата 13-мĕшĕсенче) пырать. Проекта «Россия — страна возможностей» президент платформи тата Тараватлăх индустрин Пĕтĕмĕшле наци Союзĕ (Общенациональный Союз индустрии гостеприимства (ОСИГ)) пуçарса янă. Унта хутшăнакансем туризм сферинче хăйсен проекчĕсене тăратаççĕ, паллă рестораторсем, отельерсем тата тараватлăх индустринчи управленецсем наставник пулассишĕн тупăшаççĕ, проектсене пурнăçа кĕртме грантсем, вĕрентÿ сертификачĕсем, паллă турист компанийĕсенче стажировка иртме чĕнÿсем çĕнсе илме пултараççĕ.

Раççейри тĕрлĕ регионсенчен çĕр ытла конкурсант ĕçлĕ тата харпăр хăй енĕсене хакланине иртет. Программăра — флешмобсем тата интеллектуаллă вăйăсем, чаплă вырăнсем тăрăх экскурсисем, «Битва мастеров» тата нетворкинг-пати, журналистсем валли ăмăртусем.

Конкурс 2019 çулхи ноябрьте пуçланнă тата пĕтĕм Раççейре сарăлнă, унта 20 935 заявка килнĕ. Февральтен апрельччен çĕршывăн тăхăр регионĕнче, çав шутра Пушкăртстанра, çурмафиналсем иртеççĕ. Унта çĕнтернисем Пĕтĕм Раççей финалĕнчи 50 вырăншăн кĕрешеççĕ. Вăл апрельте «Россия — страна возможностей» форум йĕркипе пулать. Хушма информаци конкурсăн официаллă сайтенче.

«Башинформ» ИА материалĕсем тăрăх.