Хайбулла районĕнчи фермерсен çемйи 10 миллион тенкĕлĕх проекта пурнăçа кĕртме шутлать

2019 çулта фермер грантсен конкурсĕнче мăйракаллă шултра выльăх ĕрчетекен ферма тумалли проекта хÿтĕленĕ. Вара Власенко çемйи 6 миллион тенкĕ грант выляса илнĕ.

Асăннă суммăна тата хăйсен укçи-тенкине хывни çемье выльăх-чĕрлĕх фермине аталантарма пулăшмалла. Халĕ проект 10 миллион тенке ларать.

Виктор Власенко шурă пуçлă казах ăратлă 64 пăру туяннă.

ПР Ялхуçалăх министерствинче палăртнă тăрăх, çакнашкал проектсене çичĕ çул тăршшĕнче 856 фермер хуçалăхĕ тата 19 ялхуçалăх кооперативĕ хутшăннă. Грантсен сумми 2 млрд. тенкĕ ытла. Асăннă проектсене РФ Президенчĕн майри указĕпе ĕçлесе хатĕрленĕ «Малое и среднее предпринимательство и поддержка индивидуальной предпринимательской инициативы» наци проекчĕн йĕркипе пурнăçа кĕртеççĕ.

«Панорама».