Пушкăртстанра вăрмансене пĕлĕтрен патруллемелли маршрут 4600 километр ытла

#национальныепроектыбашкортостанаПушкăртра 2020 çула вăрман фончĕн территорине авиаципе патруллемелли сакăр маршрут çирĕплетнĕ, пĕтĕмĕшле вăрăмăш — 4600 километр ытла, пĕлтернĕ регионри Вăрман министерствинче.

Авиапатруль маршручĕсем вăрман пушарĕсене кура тата çанталăк условийĕсене пула улшăнма пултараççĕ.

Пушара хирĕçле тапхăр пуçланас умĕн республикăн вăрман фончĕн территорине кăçал пуçласа вĕçсе çаврăннă. Авиапатруль ĕçне илсе пыма укçа-тенке Раççей Президенчĕ Владимир Путин хушнипе ĕçлесе хатĕрленĕ «Экологи» наци проектне пурнăçлас йĕркепе уйăраççĕ.

Пушкăрт вăрманĕсен ытларах пайĕ республикăн туллă-вăрманлă пайĕнче вырнаçнă, çавăнпа пĕрремĕш вĕçев Уфа—Инзер—Белорецк—Учалă маршрутпа пулнă. Республикăри вăрман пушарĕн центрĕн ертÿçи Айрат Юсупов авиапатруль вĕçевĕ вăхăтĕнче пушар вырăнĕсем пулманни пирки пĕлтернĕ.

Вăрмансенче çулăм алхаснине, вăрман законодательствине пăснă самантсене асăрхасан Регионти диспетчер службине — 8 (347)218-14-14 (талăкĕпе ĕçлет), вăрман сыхлавĕн «хĕрÿ линине» — 8-800-100-94-00 шăнкăравламалла.

«Башинформ» ИА.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде