Пушкăртстан артисчĕсем тÿлевсĕр вĕренĕç

#национальныепроектыбашкортостана«Культура» наци проекчĕн йĕркипе актерсем валли Талккишпе пыракан пĕлÿ центрĕнче тÿлевсĕр онлайн-курссем йĕркеленĕ.

Раççей Театр искусствин институчĕн тата Б.Щукин ячĕллĕ Театр институчĕн ректорĕсем Григорий Заславскипе Евгений Князев çакнашкал сĕнÿ тăратнă. Асăннă проекта Раççей Культура министерствинче те ырланă.

Актер дисциплинисемпе уроксем дистанцилле пулаççĕ. Кашни программăна 16 академи сехечĕ уйăрнă. Проектăн тĕп задачи — культура учрежденисем ирĕксĕртен ĕç-хĕлне чарса лартнă условисенче актерсен сообществисене тата професси ăсталăхне ÿстерме пулăшасси. Программăна хутшăнас тесен [email protected] электрон адреса «Программа 16 часов» тесе çырса заявка ярса памалла.

Пĕлтĕр асăннă Центрта Раççейри тата çывăхри чикĕ леш енчи 850 ытла театр ĕçченĕ хатĕрленÿ курсĕ иртнĕ.

«Панорама».

Читайте нас: